Pubg Madan News: சிறையில் சொகுசு வாழ்க்கைக்கு லஞ்சம்? - ஆடியோவால் சிக்கும் பப்ஜி மதன்

Pubg Madan News: பப்ஜி மதனுக்கு சிறையில் வசதிகள் செய்துத் தர அவரது மனைவி கிருத்திகாவிடம் அதிகாரி செல்வம் பேசியதாக ஆடியோ ஒன்று வெளியாகி இருந்தது. இதனைத்தொடர்ந்து, மதனுக்கு சிறையில் வசதி செய்து தர கிருத்திகாவிடம் 3 லட்சம் ரூபாய் லஞ்சம் கேட்டதாகவும் புகார் எழுந்தது. இதுதொடர்பான ஆடியோ சமூகவலைதளங்களில் வெளியாகி வைரலானதை தொடர்ந்து, இதுதொடர்பாக விசாரணை நடத்த குழு அமைக்கப்பட்டிருந்தது. இந்த நிலையில், இந்த சம்பவம் தொடர்பாக புழல் சிறையின் உதவி ஜெயிலர் செல்வத்தை சஸ்பெண்ட் செய்து சிறைத்துறை டிஜிபி சுனில்குமார் சிங் உத்தரவிட்டார்.