GT vs LSG: திவேத்தியாவின் அதிரடியால் முதல் வெற்றியைப் பதிவு செய்தது குஜராத் அணி
திவேத்தியா 21 பந்துகளில் 40* ரன்கள் எடுத்து கடைசி வரை ஆட்டமிழக்காமல் இருந்தார். இதனால், 19.4 ஓவர்கள் முடிவில் 161 ரன்கள் எடுத்து இலக்கை எட்டியது குஜராத் அணி.
ஐபிஎல் தொடரின் நான்காவது லீக் போட்டியில் குஜராத் டைட்டன்ஸ் மற்றும் லக்னோ சூப்பர் ஜியண்ட்ஸ் அணிகள் மோதின. ஹர்திக் பாண்டியா தலைமையிலான குஜராத் அணியை ராகுல் தலைமையிலான லக்னோ அணி எதிர்கொண்டது. புதிதாக சேர்க்கப்பட்டுள்ள இந்த இரண்டு அணிகள், தனது முதல் போட்டியில் விளையாடின.
இதில், டாஸ் வென்ற குஜராத் டைட்டன்ஸ் அணி, ஃபீல்டிங் தேர்வு செய்தது. தொடக்க வீரராக களமிறங்கிய கேப்டன் கே.எல் ராகுல் வந்த வேகத்தில் ஆட்டத்தின் முதல் பந்திலேயே டக்-அவுட்டாகி வெளியேறினார். ஷமி இந்த போட்டியின் முதல் விக்கெட்டை எடுத்தார். அதனை அடுத்து களமிறங்கிய லக்னோ அணியில் டாப் ஆர்டர் பேட்டர்கள் அடுத்தடுத்து ஆட்டமிழந்து சொதப்பினர். இதனால், 29-4 என்ற நிலையில் லக்னோ திணறியது.
அதனை அடுத்து களமிறங்கிய தீபக் ஹூடா, ஆயுஷ் படோனி கூட்டணி அதிரடியாக ரன் சேர்த்தது. இரு வீரர்களும் அரை சதம் கடந்து அணியின் ஸ்கோரை உயர்த்தினர். தீபக் ஹூடா (55) ரன்களும், ஆயுஷ் படோனி (54) ரன்களும் எடுத்தார். குஜராத் அணியைப் பொறுத்தவரை, ஷமி 3 விக்கெட்டுகளையும், வருண் ஆரன் 2 விக்கெட்டுகளும், ரஷித் கான் 1 விக்கெட்டும் எடுத்திருக்கின்றனர். இதனால், 20 ஓவர் முடிவில், 6 விக்கெட்டுகள் இழப்பிற்கு லக்னோ அணி 158 ரன்கள் எடுத்தது.
Innings Break!
— IndianPremierLeague (@IPL) March 28, 2022
Brilliant half-centuries from @HoodaOnFire (55) and Ayush Badoni (54) propel #LSG to a total of 158/6 on the board.
Scorecard - https://t.co/u8Y0KpnOQi #GTvLSG #TATAIPL pic.twitter.com/iBTHG7nbVl
இலக்கை சேஸ் செய்து களமிறங்கிய குஜராத் அணிக்கு, ஓப்பனர் கில் டக்-அவுட்டானார். மேத்யூ வாடே 30 ரன்கள் எடுத்து அவுட்டாக அடுத்து களமிறங்கிய கேப்டன் ஹர்திக் பாண்டியா, டேவிட் மில்லர் ஆகியோர் ரன்கள் சேர்த்தனர். அவர்களுடன் சேர்ந்த திவேத்தியா 21 பந்துகளில் 40* ரன்கள் எடுத்து கடைசி வரை ஆட்டமிழக்காமல் இருந்தார். இதனால், 19.4 ஓவர்கள் முடிவில் 161 ரன்கள் எடுத்து இலக்கை எட்டியது குஜராத் அணி.
What a game. Went down to the wire and it is the @gujarat_titans who emerge victorious in their debut game at the #TATAIPL 2022.#GTvLSG pic.twitter.com/BQxkMXc9QL
— IndianPremierLeague (@IPL) March 28, 2022
இதனால், 5 விக்கெட்டுகள் வித்தியாசத்தில் போட்டியை கைப்பற்றியது. இந்த சீசனில் குஜராத் அணிக்கு இது முதல் வெற்றியாகும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
