Iraivan Trailer : உடலை நடுங்க வைக்கும் சைக்கோ த்ரில்லர்..வெளியானது ஜெயம் ரவியின் ‘இறைவன்’ ட்ரெய்லர்!

Iraivan Trailer : நடிகர் ஜெயம் ரவி நடிப்பில் நீண்ட நாட்களாக கிடப்பில் உள்ள ‘இறைவன்’ படத்தின் ட்ரெய்லர் வெளியாகியுள்ளது.

இறைவன் ட்ரெய்லர்

தமிழ் சினிமாவின் முன்னணி நடிகர்களில் ஒருவராக உள்ள ஜெயம் ரவி நடிப்பில் கடந்தாண்டு அகிலன், பொன்னியின் செல்வன் 2 ஆகிய படங்கள் வெளியானது. இரு படங்களிலும் மாறுபட்ட கேரக்டரில் நடித்த அவரின் நடிப்பு பாராட்டைப் பெற்ற நிலையில் நடப்பாண்டு பொன்னியின் செல்வன் 2 படம் வெளியாகியிருந்தது. அதேசமயம் தொடர்ந்து ஜெயம் ரவி நடிப்பில் இறைவன், சைரன், ராஜேஷ் இயக்கும் படம், தனி ஒருவன் 2 ஆகிய படங்கள் அடுத்தடுத்து உருவாகி வருகிறது. இதனால் அவரது ரசிகர்கள் மகிழ்ச்சியில் உள்ளனர்.

இதில் இறைவன் படம் நீண்ட நாட்களாக எடுக்கப்பட்டு வருகிறது. அஹமத் இயக்கும் இப்படத்தில் நயன்தாரா கதாநாயகியாக நடிக்கிறார். யுவன் சங்கர் ராஜா இசையமைக்கிறார்.