Hyundai Offers: பட்ஜெட் கார்களுக்கு பலே ஆஃபர்.. ஹுண்டாயின் எந்த காருக்கு எவ்வளவு தள்ளுபடி?

மார்ச் மாதத்திற்கான தள்ளுபடியாக ஹுண்டாய் நிறுவனம் பட்ஜெட் விலை கார்களுக்கு தள்ளுபடியை அறிவித்துள்ளது. அதை கீழே விரிவாக காணலாம்.

ஹுண்டாய் i20

Source : twitter

இந்தியாவில் பட்ஜெட் கார்கள் விற்பனையில் முன்னணி நிறுவனமாக திகழ்வது ஹுண்டாய். இந்திய சாலையில் அதிகளவு இயங்கும் பட்ஜெட் கார்கள் ஹுண்டாய்க்கு சொந்தமான கார்களாகவே உள்ளது.

ஒவ்வொரு மாதமும் தனது கார்களுக்கு தள்ளுபடியை அறிவிப்பதை ஹுண்டாய் வழக்கமாக வைத்துள்ளது. அந்த வகையில், இந்த மார்ச் மாதத்திற்கும் ஹுண்டாய் தன்னுடைய பல கார்களுக்கு தள்ளுபடி அறிவித்துள்ளது. அதில் பட்ஜெட் விலை கார்களும் அடங்கும். அது என்னென்ன கார்கள் என்பதை காணலாம்.

1. Hyundai Grand i10 Nios:

ஹுண்டாய் நிறுவனத்தின் மிகவும் பிரபலமான கார் Hyundai Grand i10 Nios. இந்த காரின் தொடக்க விலையே ரூபாய் 6.69 லட்சம். இந்த காரின் டாப் வேரியண்ட் ரூபாய் 9.41 லட்சம் ஆகும். இந்த காருக்கு மார்ச் மாத தள்ளுபடியாக ரூபாய் 68 ஆயிரம் அறிவிக்கப்பட்டுள்ளது. 1197 சிசி திறன் கொண்ட இந்த கார் 20 கிலோமீட்டர் வரை மைலேஜ் அளிக்கிறது. 

2. Hyundai i20:

ஹுண்டாயின் மிகவும் பிரபலமான கார் Hyundai i20 ஆகும். இந்த காரின் தொடக்க விலை ரூபாய் 7.20 லட்சம். இந்த காரின் டாப் வேரியண்ட் ரூபாய் 13.21 லட்சம். இந்த காருக்கு ரூபாய் 58 ஆயிரம் தள்ளுபடி அளித்துள்ளனர். 17 வேரியண்ட் கொண்ட இந்த கார் 1197 சிசி திறன் கொண்ட எஞ்ஜின் கொண்டது. மேனுவல், ஆட்டோமெட்டிக்கில் ஓடும் ஆற்றல் கொண்டது. 17.62 கிலோமீட்டர் வரை மைலேஜ் அளிக்கிறது.

3. Hyundai Exter:

இந்த காரின் தொடக்க விலை ரூபாய் 6.11 லட்சம். இந்த காரின் டாப் வேரியண்ட் ரூபாய் 10.21 லட்சம். இந்த காருக்கு மார்ச் மாத தள்ளுபடியாக 43 ஆயிரம் அளித்துள்ளனர். 38 வேரியண்ட் கொண்ட இந்த கார் பெட்ரோல், சிஎன்ஜியில் ஓடும் ஆற்றல் கொண்டது. மேனுவல் மற்றும் ஆட்டோமெட்டிக் வேரியண்ட்கள் உள்ளது. 1197 சிசி திறன் கொண்ட எஞ்ஜின் பொருத்தப்பட்டுள்ளது.  19 கிலோமீட்டர் வரை மைலேஜ் தருகிறது.

4. Hyundai Aura:

இந்த Hyundai Aura காரின் தொடக்க விலை ரூபாய் 7.21 லட்சம் ஆகும். இதன் டாப் வேரியண்ட் ரூபாய் 10.20 லட்சம் ஆகும். 11 வேரியண்ட் கொண்ட இந்த காருக்கு ரூபாய் 10 ஆயிரம் தள்ளுபடி அறிவிக்கப்பட்டுள்ளது. பெட்ரோல், சிஎன்ஜியில் ஓடும் ஆற்றல் கொண்டது. 1197 சிசி திறன் கொண்ட எஞ்ஜின் பொருத்தப்பட்டது. 19.7 கிலோமீட்டர் பெட்ரோலிலும், 25 கிலோமீட்டர் சிஎன்ஜி-யிலும் மைலேஜ் அளிக்கிறது.

இந்த கார்கள் அனைத்தும் ஹுண்டாயின் பட்ஜெட் கார்கள் ஆகும். இந்த கார்கள் வாடிக்கையாளர்கள் மத்தியில் எப்போதும் பிரபலமான கார்கள் ஆகும்.