Leo Vijay Shoot Wrapped : லியோ படப்பிடிப்பு முடிந்ததா? குழப்பத்தை உண்டாக்கும் இணையவாசிகள்!

லியோ படத்தில் நடிகர் விஜய்யின் காட்சிகள் நிறைவடைந்ததாக ட்விட்டர் பக்கத்தில் பதிவிட்டுள்ளார் லோகேஷ் கனகராஜ்.

லியோ விஜய் - லோகேஷ் கனகராஜ்

கடந்த 2021ஆம் ஆண்டு வெளியாகி மாஸ் ஹிட் அடித்த மாஸ்டர் படத்திற்கு பிறகு இரண்டாவது முறையாக விஜய் - லோகேஷ் கனகராஜ் கூட்டணி மீண்டும் லியோ படத்தில் இணைந்தது.

இப்படத்தின் படப்பிடிப்பு கடுங்குளிர் பகுதியான காஷ்மிரில் நடைபெற்றது. அதைதொடர்ந்து சென்னையில் இப்படத்தின் படப்பிடிப்பு தொடங்கி முழுவீச்சில் நடைபெற்று வருகிறது.

இந்நிலையில், நாளுக்கு நாள் இப்படத்தில் இந்த நட்சத்திரம் இணைகிறார், அந்த நட்சத்திரம் இணைகிறார் என வெளியான செய்திகள் ட்ரால்களை சந்தித்தன,

ஒரு கட்டத்தில் நடிகர் விஜய்யே கேமியோ ரோலில்தான் நடிக்கிறார் என்ற அளவுக்கு படக்குழுவினரின் பட்டியல் நீண்டு கொண்டே சென்றது.

இப்படத்தில் விஜய் நடிக்க வேண்டிய காட்சிகள் படம்பிடிக்கப்பட்டதாக லோகேஷ் கனகராஜ் ட்வீட் மூலம் அறிவித்தார். சிலர், லியோ படப்பிடிப்பே மொத்தமாக முடிந்து விட்டது என தவறான தகவலை பரவிவருகின்றனர்.

விரைவில் லியோ படத்தின் ஒட்டிமொத்த ஷூட்டிங்கும் நிறைவடைந்து போஸ்ட் ப்ரொடக்‌ஷன்ஸ் பணிகள் தொடங்கும் என எதிர்பார்க்கப்படுகிறது.