Republic Day 2025 LIVE: டெல்லியில் தேசிய கொடி ஏற்றினார் குடியரசுத் தலைவர் திரெளபதி முர்மு

Republic Day 2025 LIVE Updates: நாடு முழுவதும் இன்று குடியரசு தினம் கோலாகலமாக கொண்டாடப்பட உள்ளது. 76வது குடியரசு தின கொண்டாட்டத்தின் நிகழ்வுகளை உடனுக்குடன் கீழே காணலாம்.

Background

நாடு முழுவதும் ஆண்டுதோறும் ஜனவரி 26ம் தேதி குடியரசு தினம் கோலாகலமாக கொண்டாடப்பட்டு வருகிறது. இதன்படி, இன்று நாட்டின் 76வது குடியரசு தினம் கோலாகலமாக கொண்டாடப்படுகிறது. 

நாட்டின் 76வது குடியரசு தினத்தை முன்னிட்டு நாடு முழுவதும் உச்சகட்ட பாதுகாப்பு ஏற்பாடு செய்யப்பட்டுள்ளது. குடியரசு தின விழாவை முன்னிட்டு டெல்லியில் குடியரசுத் தலைவர் திரெளபதி முர்மு தேசிய கொடியை ஏற்றுகிறார். பலத்த பாதுகாப்பு வளையத்திற்குள் கொண்டு வரப்பட்டுள்ள டெல்லியில் முப்படைகளின் அணிவகுப்பு நடைபெற உள்ளது. இந்தியாவின் பெருமையை உலகிற்கு பறைசாற்றும் வகையில் நமது நாட்டின் ராணுவம் கம்பீரமாக அணிவகுப்பு நடத்த உள்ளனர். 

பிரதமர் மோடி, மத்திய அமைச்சர்கள், எதிர்க்கட்சி தலைவர்கள், எம்.பி.க்கள், முக்கிய பிரபலங்கள் பங்கேற்க உள்ளனர். அணிவகுப்பில் கலைநிகழ்ச்சிகள் நடைபெற உள்ளது. அதேபோல, தமிழ்நாட்டிலும் குடியரசு தின விழாவை முன்னிட்டு ஆளுநர் ஆர்.என்.ரவி தேசிய கொடி ஏற்ற உள்ளார். 

இதற்காக காமராஜர் சாலை முழு பாதுகாப்பு ஏற்பாடுடன் தயார் நிலையில் உள்ளது. சென்னையில் நடக்கும் குடியரசு தின விழாவில் காவல்துறையின் அணிவகுப்பு, கல்லூரி மற்றும் பள்ளி மாணவ, மாணவிகளின் கண்கவர் அணிவகுப்பு நிகழ்ச்சிகள் நடைபெற உள்ளது. 

ஆளுநர் ஆர்.என்.ரவி கொடியேற்ற உள்ள நிலையில் முதலமைச்சர் மு.க.ஸ்டாலின், சென்னை உயர்நீதிமன்ற நீதிபதி, துணை முதலமைச்சர், அமைச்சர்கள் உள்ளிட்ட பலரும் பங்கேற்க உள்ளனர். தமிழ்நாட்டின் பிற மாவட்டங்களில் அந்தந்த மாவட்ட ஆட்சியர்கள் தேசிய கொடி ஏற்ற உள்ளனர். பள்ளிகளிலும், கல்லூரிகளிலும் தேசிய கொடி ஏற்றப்பட உள்ளது.

10:39 AM (IST)  •  26 Jan 2025

டெல்லியில் தேசிய கொடி ஏற்றினார் குடியரசுத் தலைவர் திரெளபதி முர்மு

76வது குடியரசு தின விழாவை முன்னிட்டு டெல்லியில் தேசிய கொடியை குடியரசுத் தலைவர் திரெளபதி முர்மு ஏற்றினார்.

09:03 AM (IST)  •  26 Jan 2025

கலைநிகழ்ச்சிகளை ஆர்வத்துடன் கண்டுகளிக்கும் ஆளுநர், முதலமைச்சர்

சென்னையில் நடக்கும் குடியரசு தின விழாவில் நடக்கும் கலைநிகழ்ச்சிகளை ஆளுநர் ஆர்.என்.ரவி, முதலமைச்சர் மு.க.ஸ்டாலின் ஆகியோர் நேரில் கண்டு களித்து வருகின்றனர்.