Sabareesan: சபரீசன் பிறந்தநாள்: வாழ்த்திய முதலமைச்சர், மூத்த அமைச்சர்கள்...

Sabareesan Birthday: தமிழ்நாடு முதலமைச்சர் ஸ்டாலின் மருமகனான சபரீசனுக்கு பிறந்தநாளான இன்று, சுமார் 15 கிலோ எடைகொண்ட கடலை மிட்டாய் மாலையை திமுக நிர்வாகிகள் அணிவித்தனர். 

தமிழ்நாடு முதலமைச்சர் ஸ்டாலின் மருமகன் சபரீசனுக்கு வாழ்த்து தெரிவித்த திமுகவினர்

Source : abp

முதலமைச்சர் ஸ்டாலின் மருகன் சபரீசனுக்கு அமைச்சர்கள் , நிர்வாகிகள் உட்பட பலரும் வாழ்த்துகளை தெரிவித்தனர். 

முதலமைச்சர் மருமகன்:

அரசியலில் நேரடியாக செயல்படாவிட்டாலும், திமுகவில் முக்கியஸ்தராக இருப்பவர்தான், திமுக தலைவரும் தமிழ்நாட்டின் முதலமைச்சருமான ஸ்டாலினின் மருமகனான சபரீசன். 

இவர் நேரடியாக தேர்தல் அரசியலில் களமிறங்காவிட்டாலும், திமுகவினர் இடையே  முக்கியஸ்தராக இருக்கிறார்

தலைவர்கள் வாழ்த்து:

இந்நிலையில், சபரீசனின் பிறந்தநாளான இன்று, முதலமைச்சர் ஸ்டாலின் , இளைஞர் நலன் மற்றும் விளையாட்டு மேம்பாட்டுத் துறை அமைச்சர் உதயநிதி ஸ்டாலின், மூத்த அமைச்சர்கள், திமுக நிர்வாகிகள் உள்ளிட்டோர் பிறந்தநாள் வாழ்த்துகளை தெரிவித்தனர். 

மூத்த அமைச்சர்களான கே.என்.நேரு, பொன்முடி, சக்கரபாணி , தா. மோ. அன்பரசன் மற்றும் விக்கிரவாண்டி சட்டப்பேரவை உறுப்பினர் அன்னியூர் சிவா உள்ளிட்டோர் நேரில் சென்று சபரீசனுக்கு பிறந்தநாள் வாழ்த்துகளை தெரிவித்தனர். 

கடலை மிட்டாய் மாலை:

இதையடுத்து, திமுக நிர்வாகிகள் சார்பில், சுமார் 15 கிலோ எடை கொண்ட கடலை மிட்டாய் மாலையை, சபரீசனுக்கு அணிவித்து வாழ்த்து தெரிவித்தனர். மேலும் , சமூக வலைதளங்களில் திமுகவினர் பலரும் பிறந்தநாள் வாழ்த்துகளை தெரிவித்துள்ளனர்.