Dhanush : சத்தமே இல்லாமல் திருச்சிற்றம்பலம் படம் செய்த சாதனை...மகிழ்ச்சியில் ரசிகர்கள்
தனுஷ் நடித்த யாரடி நீ மோகினி, உத்தம புத்திரன் போன்ற படங்களை இயக்கிய மித்ரன் ஆர்.ஜவஹர் 4வது முறையாக அவருடன் இணைந்துள்ள படம் “திருச்சிற்றம்பலம்”.
நடிகர் தனுஷ் நடித்துள்ள திருச்சிற்றம்பலம் படம் சத்தமே இல்லாமல் சாதனை ஒன்றை படைத்துள்ளது.
தனுஷ் நடித்த யாரடி நீ மோகினி, உத்தம புத்திரன் போன்ற படங்களை இயக்கிய மித்ரன் ஆர்.ஜவஹர் 4வது முறையாக அவருடன் இணைந்துள்ள படம் “திருச்சிற்றம்பலம்”. இந்த படத்தை தனுஷின் ஆடுகளம், படிக்காதவன், மாப்பிள்ளை படங்களை தொடர்ந்து 4வது முறையாக சன்பிக்சர்ஸ் நிறுவனம் தயாரித்துள்ளது. திருச்சிற்றம்பலம் படத்தில் நடிகைகள் நித்யாமேனன், பிரியா பவானி ஷங்கர், ராஷிகண்ணா, நடிகர்கள் பிரகாஷ்ராஜ், பாரதிராஜா ஆகியோர் முக்கிய கதாபாத்திரத்தில் நடிக்க அனிருத் இசையமைத்துள்ளார்.
View this post on Instagram
கிட்டதட்ட 7 ஆண்டுகளுக்குப் பிறகு தனுஷ் - அனிருத் கூட்டணி இணைந்துள்ளதால் திருச்சிற்றம்பலம் படத்திற்கு பெரும் எதிர்பார்ப்பு நிலவியது. இப்படம் கடந்த ஆகஸ்ட் 18 ஆம் தேதி தியேட்டர்களில் வெளியானது. எதிர்பார்த்ததை விட படம் சிறப்பாக இருப்பதாகவும், நீண்ட நாட்களுக்குப் பின் ஒரு ஃபீல் குட் மூவி பார்த்த அனுபவம் ஏற்பட்டதாகவும் ரசிகர்கள், பொதுமக்கள் தெரிவித்தனர். இதனால் திரையிட்ட இடங்களில் எல்லாம் நாளுக்கு நாள் மக்கள் கூட்டம் அதிகரித்து வருகிறது.
View this post on Instagram
இதனிடையே இந்த படத்தில் பாடல்கள் எல்லாம் ரசிகர்களை பெரிதும் கவர்ந்தது. குறிப்பாக தனுஷ் எழுதி பாடிய மேகம் கருக்காதோ பாடலும், அதன் மேக்கிங் வீடியோவும் பலரது பேவரைட் ஆக மாறியுள்ளது. இதில் வரும் டான்ஸ் ஸ்டெப்பை பலரும் சமூக வலைத்தளங்களில் ரீல்ஸ் ஆக பதிவிட்டு வருகின்றனர். அந்த வகையில் மேகம் கருக்காதோ பாடலை இதுவரை 2 லட்சத்திற்கும் அதிகமானோர் ரீல்ஸ் செய்துள்ளதாக சன் பிக்சர்ஸ் நிறுவனம் தெரிவித்துள்ளது. இதனை தனுஷ் ரசிகர்கள் கொண்டாடி வருகின்றனர்.