ITT Vs BT: திரும்பி எழ முடியாத அளவுக்கு திருச்சி அணியை விளாசிய திருப்பூர்!

டேரில் ஃபெராரியோ, ஜாபர் ஜமால் ஆகியோர் பொறுமையாக ஆடி அணியை சரிவில் இருந்து மீட்டாலும் அவர்களால் வெற்றி பாதையை நோக்கி செல்ல முடியவில்லை.

வெற்றி பெற்ற திருப்பூர் தமிழன்ஸ்

7 வது சீசன் டி.என்.பி.எல் போட்டியின் 3வது கட்ட லீக் ஆட்டங்கள் நடந்து வருகிறது.நேற்று 7:15 மணிக்கு நடந்த போட்டியில் திருச்சி அணியை எதிர்கொண்டது திருப்பூர் .இந்த போட்டியில் திருப்பூர் அணி முதலில் பேட்டிங் செய்தது.

தொடக்க ஆட்டக்காரரான துஷார் ரஹேஜா 4 ரன்களில் ஆட்டமிழந்தார். பின்னர் களமிறங்கிய சாய் கிஷோர் மற்றொரு தொடக்க ஆட்டக்காரரான ராதாகிருஷ்ணனுடன் கைகோர்த்து சிறப்பாக ஆட ஆரம்பித்தார். இருவரின் அதிரடி ஆட்டத்தால் ரன்கள் குவிய தொடங்கின. இவர்களின் பார்ட்னர்ஷிப் கிட்டதட்ட 90 ரன்களை கடந்தது. சாய் கிஷோர் 4 சிக்சர் 4 பவுண்டரிகளுடன் 50 ரன்கள் எடுத்து ஆட்டம் இழந்தார்.

பின்னர் களமிறங்கிய அனிருத் அதிரடியாக ஆடி அணிக்கு ரன்களை சேர்த்தார். அனிருத் 25 பந்துகளில் ஒரு சிக்சர் 8 பவுண்டரிகளுடன் 51 ரன்கள் அடித்து அசத்தினார். 20 ஓவர் முடிவில் 4 விக்கெட் இழப்பிற்கு 201 ரன்கள் எடுத்தது திருப்பூர்.

பின்னர் இரண்டாம் இன்னிங்சை தொடங்கிய திருச்சி அணிக்கு ஆரம்பமே மோசமாக அமைந்தது. அடுத்தடுத்து விக்கெட்டுகள் சரிய என்ன செய்வதன்று அறியாமல் தவித்தது திருச்சி அணி.

டேரில் ஃபெராரியோ, ஜாபர் ஜமால் ஆகியோர் பொறுமையாக ஆடி அணியை சரிவில் இருந்து மீட்டாலும் அவர்களால் வெற்றி பாதையை நோக்கி செல்ல முடியவில்லை. ஜாபர் ஜமால் 30 ரன்களும் டேரில் ஃபெராரியோ 45 ரன்களும் எடுத்து ஆட்டமிழந்தனர்.

20 ஓவர் முடிவில் 155 ரன்கள் மட்டுமே எடுத்து தோல்வியை தழுவியது திருச்சி. திருப்பூர் அணியின் பந்துவீச்சாளர் புவனேஸ்வர் தல 4 விக்கெட்டுகளை எடுத்து அசத்தினார்.இதன் மூலம் தனது இரண்டாவது வெற்றியை பதிவு செய்தது திரூப்பூர்.