Emmanuel Macron Modi : பிரான்ஸ் அதிபரை ராஜஸ்தானில் வரவேற்ற இந்திய பிரதமர் மோடி!

Emmanuel Macron Modi : நடப்பாண்டிற்கான குடியரசு தின சிறப்பு விருந்தினராக பிரான்ஸ் நாட்டின் அதிபர் மேக்ரான் பங்கேற்றுள்ளார்.

இம்மானுவேல் மேக்ரான் - நரேந்திர மோடி

நடப்பாண்டிற்கான குடியரசு தின சிறப்பு விருந்தினராக பிரான்ஸ் நாட்டின் அதிபர் மேக்ரான் பங்கேற்பார் என்று ஏற்கனவே அறிவிக்கப்பட்டிருந்தது.

இதற்காக, பிரான்ஸ் அதிபர் மேக்ரான் நேற்று இந்தியா வந்தடைந்தார். பிரான்ஸ் நாட்டில் இருந்து தனி விமானம் மூலமாக புறப்பட்ட அவர் நேரடியாக ராஜஸ்தான் மாநிலத்தின் ஜெய்ப்பூருக்கு நேற்று பகல் 2.30 மணிக்கு வந்தடைந்தார்.

ஜெய்ப்பூரில் உள்ள ஆம்பர் கோட்டையை பார்வையிட்ட அதிபர் மேக்ரான் அங்கு நடைபெற்ற கலாச்சார நிகழ்ச்சி, உள்ளூர் கலைஞர்களின் கைவினைப் பொருட்கள் கண்காட்சியை பார்த்து வியந்தார்.

பழங்கால இந்தியர்களின் வானிலை ஆய்வகத்தை மேக்ரான் பார்வையிட்டார். ஐந்தர் மந்தரில் இருந்து சங்கநேரி கேட் வரை மேக்ரானும், பிரதமர் மோடியும் காரில் ஊர்வலமாக சென்றனர்.

யுனெஸ்கோ உலக பாரம்பரிய மையமான ஹவா மஹாலின் முன் அதிபர் மேக்ரானும் பிரதமர் மோடியும் புகைப்படம் எடுத்துக்கொண்டனர்.

ஜெய்ப்பூரில் புகழ்பெற்ற சாஹு டீ கடையில் பிரதமர் மோடியும், பிரான்ஸ் இம்மானுவேல் மேக்ரானும் டீ அருந்தினர்.