தனுஷ் ரசிகர்களுக்கு சூப்பர் அப்டேட் கொடுத்த வெற்றிமாறன்!

வெற்றிமாறன் சமீபத்தில் விழா மேடையொன்றில் வடசென்னை இரண்டாம் பாகத்துக்கான தயாரிப்பு பணிகள் நடை பெற்று வருவதாக தெரிவித்தார்.

வடசென்னை தனுஷ்

வெற்றிமாறன் இயக்கத்தில் கடந்த 2018 ஆண்டு வெளியான வட சென்னை திரைப்படம் மாபெரும் வெற்றி பெற்றது. வடசென்னை திரைப்படத்தில் நடிகர். தனுஷ்,அமீர், பவன்,கிஷோர்,சமுத்திரக்கனி,ஆண்ட்ரியா,ஐஸ்வர்யா ராஜேஷ்,உள்ளிட்ட பல நட்சத்திரங்கள் நடித்திருந்தனர்.

வட சென்னை திரைப்படத்தில் ராஜன் கதாபாத்திரத்தில் நடித்திருந்த அமீரின் கதாபாத்திரம் மக்கள் மத்தியில் பெரிதாக பேசப்பட்டது. விறுவிறுப்பான சண்டைக்காட்சிகள் பாடல்கள்கள் என வட சென்னை திரைப்படம் மக்களை பெரிதளவில் ஆட்கொண்டிருந்தது.

வட சென்னை திரைப்படத்தின் முடிவில் அன்பின் எழுச்சியென வெற்றிமாறன் ஹிண்டடை விட்டுச்சென்ற நிலையில், இரண்டாம் பாகத்திற்காக தனுஷின் ரசிகர்கள் பெரிதளவில் எதிர்பார்த்து கொண்டிருக்கின்றனர்.

வெற்றிமாறனும் தனுஷும் பங்குபெறும் நிகழ்ச்சிகளில் ரசிகர்கள் வடசென்னை இரண்டாம் பாகம் வேண்டும் என முழக்கமிடுவது வாடிக்கையாகவே மாறிவிட்டது.

ரசிகர்களின் எதிர்பார்ப்பை பூர்த்திசெய்யும் வகையில், வெற்றிமாறன் சமீபத்தில் விழா மேடையொன்றில் வடசென்னை இரண்டாம் பாகத்துக்கான தயாரிப்பு பணிகள் நடை பெற்று வருவதாக தெரிவித்தார்.

வெற்றிமாறன் தற்போது வாடிவாசல் படத்திற்காக தயாராகி வருகிறார் என்பது குறிப்பிடத்தக்கது. வாடிவாசல் திரைப்படத்திற்கு பிறகு வடசென்னை இரண்டாம் பாகம் தயாராகும் என எதிர்பார்க்கப்படுகிறது.