Thangalaan : விறுவிறுப்பாக நடக்கும் தங்கலான் ஷூட்..அடுத்த கட்ட படப்பிடிப்பிற்காக சென்னை வந்த மாளவிகா!

நடிகர் விக்ரம் நடிப்பில் உருவாகிவரும் தங்கலான் படத்தின் ஷூட் அசுர வேகத்தில் நடைபெற்று வருகிறது.

தங்கலான் ஷூட்டிங்கிற்கு வந்த மாளவிகா மோகனன்

வித்தியாசமான கதைகளை தேர்வு செய்து நடிப்பதில் வல்லவரான நடிகர் விக்ரம் தமிழ் சினிமாவின் மிக முக்கிய நடிகர்களுள் ஒருவராக திகழ்கிறார்.

இவரின் நடிப்பில் கடைசியாக வெளியான பொன்னியின் செல்வன் வெளியானது. அதில் விக்ரம் கரிகலான் கேரக்டரில் மிரட்டியிருப்பார்.

பா.ரஞ்சித் இயக்கும் தங்கலான் படத்தில் நடிகைகள் பார்வதி, மாளவிகா மோகனன், நடிகர் பசுபதி, பிரிட்டிஷ் நடிகர் டேனியல் கால்டகிரோன் உள்ளிட்ட பலரும் நடிக்கின்றனர்.

இப்படத்தின் முதற்கட்ட படப்பிடிப்பு கோலார் பகுதியில் நடந்தது சென்னையில் இரண்டாம் கட்டப்படப்பிடிப்பு நடைபெற்ற போது, விக்ரமுக்கு காயம் ஏற்பட்டதால் ஷூட் அப்படியே நின்று போனது.

காயம் குணமடைந்த நிலையில் சில வாரங்களிலேயே மீண்டும் படப்பிடிப்பு தொடங்கப்பட்டது.

தற்போது நடிகை மாளவிகா மோகனின் அடுத்த கட்ட படப்பிடிப்பிற்காக சென்னை வந்துள்ளார். இவரது புகைப்படங்கள் இணையத்தில் வைரல் ஆகி வருகிறது.