Made In Korea Review : பிரியங்கா மோகன் நடித்துள்ள மேட் இன் கொரியா படம் எப்படி இருக்கு...இதோ விமர்சனம்

Made In Korea : பிரியங்கா மோகன் நடித்து நெட்ஃப்ளிக்ஸ் தளத்தில் வெளியாகியுள்ள மேட் இன் கொரியா படத்தின் முழு விமர்சனத்தைப் பார்க்கலாம்

மேட் இன் கொரியா , பிரியங்கா மோகன்

Source : X

சிறு வயதில் இருந்தே கொரிய பாடல்கள் மற்றும் திரைப்படங்களால் ஈர்க்கப்படும் செண்பா (பிரியங்கா மோகன்) தனது வாழ்க்கையில் ஒரு நாளாவது கொரியா நாட்டிற்கு சென்று வர வேண்டும் என ஆசைப்படுகிறார். இப்படியான நிலையில் அவருக்கு கொரியா செல்லும் வாய்ப்பு கிடைக்கிறது. தான் விருப்பப்பட்ட  நாட்டிற்கு செல்லும் செண்பாவுக்கு ஏமாற்றமே மிஞ்சுகிறது. பரியாத மொழி , புரியாத கலாச்சாரத்தை பின்பற்றும் மக்களிடையே தனது அடையாளத்தை நிலை நிறுத்திக்கொள்ள போராடுகிறார். ஒருகட்டத்திற்கு மேல் மீண்டும் தனது சொந்த நாட்டிற்கே திரும்பிவிட நினைக்கிறார். செண்பா இந்தியா திரும்பினாரா என்பதே மீதிக் கதை

மேட் இன் கொரியா திரைப்படம் விமர்சனம் 

2 மணி நேரமே ஓடும் படம் மேட் இன் கொரியா. இந்த நேரத்திற்குள் எடுத்துக்கொண்ட கதையை முழுமையாக சொல்லி முடித்திருக்கிறார் இயக்குநர் ரா கார்த்திக். அன்பு ,தன்னம்பிக்கை , இன்பம் துன்பம் என பலவிதாம உணர்ச்சிகளை இயல்பாக கையாண்டுள்ளார். இயல்பான நடிப்பால் பிரியங்கா மோகன் மொத்த படத்தையும் தாங்கியிருக்கிறார். பிரியங்கா மோகனின் காதலனாக வரும் ரிஷிகாந்த் நடிப்பும் சிறப்பு . இவர்கள் தவிர்த்து படத்தில் நடித்துள்ள கொரிய நடிகர்கள் பார்க் ஹேஜின் , நோஹு ஜின் உள்ளிட்டவர்களும் க்யூட்டான நடிப்பை வெளிப்படுத்தி இருக்கிறார்கள். 

கொரிய நாட்டை மிக அழகாக காட்சிபடுத்தியுள்ளார் ஒளிப்பதிவாளர். க்யூட்டான தருணங்களால் கதை நகர்ந்தாலும் சில காட்சிகள் கிரிஞாக தோன்றலாம். அதே போல் யூகிக்கக் கூடிய திரைக்கதை என்பதால் இரண்டாம் பாதியில் படம் சுவாரஸ்யம் இழக்கிறது. லைட்டான ஒரு அனுபவத்திற்காக மேட் இன் கொரியா ஒரு முறை பார்க்கலாம்