Kanguva Update : 'தி கிங் அரைவ்ஸ்...’ சூர்யா பிறந்தநாளுக்கு வெளியாகும் கங்குவா படத்தின் க்ளிம்ப்ஸ்!

கங்குவா படத்தின் அப்டேட்டை அதன் தயாரிப்பு நிறுவனமான ஸ்டுடியோ கிரின் தனது டீவிட்டரில் வெளியிட்டுள்ளது.

கங்குவா படத்தின் அப்டேட்

சிறுத்தை சிவா இயக்கும் திரைப்படமான ‘கங்குவா’ பெரும் எதிர்பார்ப்புகளுக்கு மத்தியில் பிரம்மாண்டமாக உருவாகி வருகிறது.

சூர்யாவின் 42ஆவது படமான இது 3டி தொழில்நுட்பத்தில் உருவாகி வருகிறது. 10 மொழிகளில் பான் இந்தியா திரைப்படமாக வெளியாகவுள்ளது.

இப்படத்தில் சூர்யாவுக்கு ஜோடியாக பாலிவுட் நடிகை திஷா பதானி நடிக்கிறார். மற்றொரு ஹீரோயினாக சீதா ராமம் புகழ் மிருணாள் தாக்கூர் நடிக்கின்றார் என்று ஏற்கனவே தகவல் வெளியாகின.

தற்போது சூர்யாவின் பிறந்தநாளான ஜூலை 23ஆம் தேதி கங்குவா படத்தின் க்ளிம்ஸ் வெளியாகும் என்றும் அறிவிக்கப்பட்டுள்ளது.

கங்குவா படப்பிடிப்பு கிட்டத்தட்ட இறுதிக்கட்டத்தை எட்டிவிட்டதாகக் கூறப்படும் நிலையில், அடுத்த ஆண்டின் கோடை விடுமுறையில் இத்வெளியாகும் என எதிர்பார்க்கப்படுகிறது.

சரித்திரப் பின்னணியில் இப்படம் உருவாகிவரும் நிலையில், சூர்யாவின் முகத்தைக் கூட காண்பிக்காமல் படக்குழு தொடர்ந்து அப்டேட் வழங்கி வருகிறது என்பது குறிப்பிடதக்கது.