Madurai: குற்றச்சாட்டை நிரூபித்தால் ராஜினாமா செய்ய தயார் : அண்ணாமலைக்கு அமைச்சர் சவால்!

”என் மீது சுமத்திய குற்றச்சாட்டை அண்ணாமலை நிரூபித்தால் என்னுடைய அமைச்சர் பதவியை ராஜினாமா செய்ய நான் தயார்.” அமைச்சர் மூர்த்தி காட்டமாக தெரிவித்துள்ளார்.

அமைச்சர் மூர்த்தி

மதுரை வடக்கு வட்டம், குலமங்கலம் கிரமத்தில் நடைபெற்ற மக்கள் தொடர்பு முகாமில் 479 பயனாளிகளுக்கு ரூ.1 கோடியே 19 லட்சத்து 65 ஆயிரத்து 971-  மதிப்பிலான அரசு நலத்திட்ட உதவிகளை வழங்கப்பட்டது. இதில் வணிகவரி மற்றும் பதிவுத்துறை அமைச்சர் பி.மூர்த்தி, மதுரை மாவட்ட ஆட்சித் தலைவர் அனீஷ் சேகர் உள்ளிட்டோர் கலந்துகொண்டனர். பின்னர் செய்தியாளர் சந்தித்து பேசினார்.

பத்திரபதிவுத்துறை அமைச்சர் @pmoorthy21 மதுரையில் உள்ள ஒரு சார்பதிவாளரிடம் பணம் பெற்றுக்கொண்டு ஒரே நாளில் மதுரைக்கு பணியிட மாறுதல் செய்ததாக பாஜக தலைவர் @annamalai_k குற்றச்சாட்டு தெரிவித்த நிலையில் "குற்றச்சாட்டை நிரூபித்தால் ராஜினாமா செய்ய தயார்" என மூர்த்தி பேட்டியளித்துள்ளார் pic.twitter.com/AAoi9XodjT

— Arunchinna (@iamarunchinna) June 21, 2022

பத்திரப்பதிவுத்துறை அமைச்சர் மூர்த்தி மதுரையில் உள்ள ஒரு சார்பதிவாளரிடம் பணம் பெற்றுக்கொண்டு ஒரே நாளில் மதுரைக்கு பணியிட மாறுதல் செய்ததாக தமிழக பி.ஜே.பி., தலைவர் அண்ணாமலை குற்றச்சாட்டு தெரிவித்திருந்தார். அதற்கு பதிலளித்த அமைச்சர் மூர்த்தி..,"அண்ணாமலை ஆதாரம் இல்லாமல் உண்மைக்கு புறம்பான தகவலை தெரிவித்துக் கொண்டிருக்கிறார். பணியிட மாறுதல் செய்யப்பட்ட சார் பதிவாளர் திண்டுக்கல்லில் 25 நாட்கள் பணியாற்றிய பிறகே மதுரைக்கு இடமாற்றம் செய்யப்பட்டார். தேவைப்பட்டால் எந்த அதிகாரியையும் எப்போது வேண்டுமானாலும் பணியிடமாறுதல் செய்யும் உரிமையும், அதனை ரத்து செய்யும் அதிகாரமும் அரசுக்கு உண்டு.

 

 

என் மீது சுமத்திய குற்றச்சாட்டை அண்ணாமலை நிரூபித்தால் என்னுடைய அமைச்சர் பதவியை ராஜினாமா செய்ய நான் தயார். அப்படி நிரூபிக்க முடியாவிட்டால் அண்ணாமலை தனது பதவியை ராஜினாமா செய்வாரா?கடந்த ஆட்சியை விட இந்த ஆட்சியில் பத்திரப்பதிவு துறையின் நிர்வாகம் மிக சிறப்பாக தான் நடைபெற்றுக் கொண்டிருக்கிறது. போலி பத்திரங்களை பதிவாளர்கள் ரத்து செய்ய அதிகாரம் வழங்கும் சட்ட முன்வடிவை 7 மாதங்களாக கிடப்பில் போட்டு வைத்துள்ளார் ஜனாதிபதி. தமிழக அரசு கொண்டு வந்த அந்த முன்மாதிரி சட்ட திருத்தத்திற்கு ஒன்றிய அரசு இன்னும் அனுமதி கொடுக்காமல் காலம் தாழ்த்தி வருகிறது" என தெரிவித்துள்ளார்.

 

இதைப் படிக்க மிஸ் பண்ணாதீங்க பாஸ் - மதுரை : திராவிட ஆட்சி அல்ல சினிமா மாடல் ஆட்சி.. வரும்காலம் பாஜக காலம்.. அண்ணாமலை பேச்சு..