மதுரை: ரயில் பாதை பராமரிப்பு பணிகள் - ரயில் போக்குவரத்து சேவையில் மாற்றம் 

ராஜபாளையம் - சங்கரன் கோவில்  ரயில் நிலையங்கள் இடையே மற்றும் விருதுநகர் ரயில் நிலையத்தில் ரயில் பாதை பராமரிப்பு பணிகள் நடைபெற இருக்கிறது.

ரயில்

ராஜபாளையம் - சங்கரன் கோவில் பிரிவில்  ரயில் பாதை பலப்படுத்தும் பணிகள் தொய்வில்லாமல் தொடர்ந்து நடைபெற மதுரையில் காலை 11.30 மணிக்கு புறப்பட வேண்டிய மதுரை - செங்கோட்டை (06663), செங்கோட்டையில் இருந்து காலை 11.50 மணிக்கு புறப்பட வேண்டிய செங்கோட்டை - மதுரை (06664) முன்பதிவு இல்லாத சிறப்பு ரயில்கள் செப்டம்பர் 11 முதல் செப்டம்பர் 15 வரை  முழுமையாக ரத்து செய்யப்படும்.

"ரயில் பாதை பராமரிப்பு பணிகள் நநடைபெறுகிறது. இதன் காரணமாக ரயில் போக்குவரத்தில் மாற்றம் செய்யப்பட்டுள்ளதாக ரயில்வே நிர்வாகம் தெரிவித்துள்ளது.
Further details for follow - @abpnadu#madurai | @train | #TRAIN | #tamilnadu | #viruthunagar
| @MritunjaySinh18 | @LPRABHAKARANPR3 ... pic.twitter.com/mcAxgD64qV

— arunchinna (@arunreporter92) September 10, 2022

ஏற்கனவே இந்த ரயில்கள் செப்டம்பர் 10 வரை ரத்து செய்யப்பட்டுள்ளது. தற்போது மேலும் சில  நாட்களுக்கு ரயில் ரத்து தொடர்கிறது. விருதுநகர் ரயில் நிலையத்தில் செப்டம்பர் 14 & 15 ஆகிய நாட்களில் ரயில் பாதை பராமரிப்பு பணிகள் நடைபெறுவதால் பாலக்காடு - திருச்செந்தூர் விரைவு ரயில் (16731) மற்றும் திருச்செந்தூர் பாலக்காடு விரைவு ரயில் (16732) ஆகியவை செப்டம்பர் 14 அன்று திண்டுக்கல் - திருச்செந்தூர் இடையேயும், செப்டம்பர் 15 அன்று மதுரை - திருச்செந்தூர் இடையேயும் பகுதியாக ரத்து செய்யப்படும்.

இதைப் படிக்க மிஸ் பண்ணாதீங்க பாஸ் - மதுரையில் வாடகைக்கு வீடு எடுத்து பாலியல் தொழில்! காவலர் உட்பட 3 பேர் கைது - இளம் பெண்கள் மீட்பு!

செப்டம்பர் 15 அன்று பகுதியாக ரத்து செய்யப்பட்ட திருச்செந்தூர் - பாலக்காடு ரயில்  மதுரையில் இருந்து மாலை 06.30 மணிக்கு புறப்படும்.

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர