MI vs RR LIVE Score: சொந்த மண்ணில் சொதப்பல்; மும்பையை சிதைத்த ராஜஸ்தான் வெற்றி!
IPL 2024 MI vs RR LIVE Score Updates: ராஜஸ்தான் ராயல் மற்றும் மும்பை இந்தியன்ஸ் அணிகளுக்கு இடையிலான போட்டி குறித்த லைவ் அப்டேட்டுகளை ஏபிபி நாடு தளத்தில் காணலாம்.
LIVE
Background
17வது ஐபிஎல் தொடரின் 14வது லீக் போட்டியில் முன்னாள் சாம்பியன்கள் மும்பை இந்தியன்ஸ் அணியும் ராஜஸ்தான் அணியும் மோதவுள்ளது. இரு அணிகளும் இதற்கு முன்னர் இரண்டு லீக் போட்டிகளில் விளையாடியுள்ளது. இதில் ராஜ்ஸ்தான் ராயல்ஸ் அணி இரண்டு போட்டிகளிலும் வெற்றி பெற்று புள்ளிப்பட்டியலில் மூன்றாவது இடத்தில் உள்ளது. இத்தோடு தனது மூன்றாவது வெற்றியை எதிர்நோக்கி ராஜஸ்தான் ராயல்ஸ் அணி மும்பை அணிக்கு எதிராக இன்று அதாவது ஏப்ரல் மாதம் முதல் தேதியில் மும்பை வான்கடே மைதானத்தில் களமிறங்குகின்றது. நடப்பு ஐபிஎல் தொடரில் ராஜஸ்தான் அணிக்கு இதுதான் வெளி மைதானத்தில் நடைபெறும் முதல் போட்டி.
நடப்பு ஐபிஎல் தொடரில் தனது சொந்த மைதானத்தில் முதல் முறையாக பலமான ராஜஸ்தான் அணிக்கு எதிராக களமிறங்குகின்றது. இதுமட்டும் இல்லாமல் மும்பை இந்தியன்ஸ் அணி இதுவரை விளையாடிய இரண்டு லீக் போட்டிகளிலும் தோல்வியைச் சந்தித்தது. இதனால் மும்பை இந்தியன்ஸ் அணி தனது மூன்றாவது லீக் போட்டியில் வெற்றி பெற்று நடப்பு ஐபிஎல் தொடரில் முதல் வெற்றியைப் பெறும் என்ற எதிர்பார்ப்பு மும்பை ரசிகர்கள் மத்தியில் உள்ளது.
இரு அணிகளுக்கும் இடையிலான போட்டி என்றால் ராஜ்ஸ்தான் அணியின் தொடக்க ஆட்டக்காரர் ஜாஸ் பட்லருக்கு விருந்து சாப்பிடுவதைப் போல் அமைந்துவிடும். மும்பை அணிக்கு எதிரான போட்டியில் ராஜஸ்தான் ராயல்ஸ் அணி ரசிகர்களுக்கு ட்ரீட் கொடுக்கும் விதமாக ஜாஸ் பட்லரின் ஆட்டம் இருக்கும் என எதிர்பார்க்கப்படுகின்றது.
இரு அணிகளும் இதுவரை 28 முறை நேருக்கு நேர் பலப்பரீட்சை நடத்தியுள்ளது. இதில் மும்பை இந்தியன்ஸ் அணி 15 முறை வெற்றியை தனதாக்கியுள்ளது. அதேபோல், ராஜஸ்தான் ராயல்ஸ் அணி 12 முறை வெற்றியை தனதாக்கியுள்ளது. ஒரு போட்டி மட்டும் டிராவில் முடிந்துள்ளது. மும்பை அணிக்கு எதிராக ராஜஸ்தான் அணி அதிகபட்சமாக 212 ரன்களும் குறைந்த பட்சமால 90 ரன்களும் சேர்த்துள்ளது. அதேபோல் ராஜ்ஸ்தான் ராயல்ஸ் அணிக்கு எதிராக மும்பை இந்தியன்ஸ் அணி அதிகபட்சமாக 214 ரன்களும் குறைந்தபட்சமாக 92 ரன்களையும் எடுத்துள்ளது.
ரசிகர்களின் அதிருப்தி
இந்த போட்டியில் மும்பை அணி தனது சொந்த மைதானத்தில் களமிறங்குகின்றது. கடந்த 11 ஆண்டுகளாக மும்பை இந்தியன்ஸ் அணியின் கேப்டனாக இருந்து வந்த ரோகித் சர்மாவுக்கு ஹர்திக் பாண்டியாவை கேப்டனாக நியமித்தது. குஜராத் டைட்டன்ஸ் அணியின் கேப்டனாக இருந்த ஹர்திக் பாண்டியாவை ட்ரேட் செய்த மும்பை இந்தியன்ஸ் அணி, கேப்டன் பொறுப்பையும் வழங்கியது. இதனால் மும்பை அணி ரசிகர்கள் கடும் அதிருப்திக்கு ஆளாகினர். இந்நிலையில் இன்றைய போட்டியில் ஹர்திக் பாண்டியாவுக்கு எதிராக மும்பை அணி ரசிகர்கள் தங்களது எதிர்ப்பை வெளிப்படுத்த அதிக வாய்ப்புள்ளது என எதிர்ப்பார்க்கப்படுகின்றது.
MI vs RR LIVE Score: முதல் இடத்திற்கு முன்னேறிய ராஜ்ஸ்தான்!
இந்த வெற்றியின் மூலம் ராஜ்ஸ்தான் அணி புள்ளிப்பட்டியலில் முதல் இடத்திற்கு முன்னேறியது.
MI vs RR LIVE Score: சொந்த மண்ணில் சொதப்பல்; மும்பையை சிதைத்த ராஜஸ்தான் வெற்றி!
ராஜஸ்தான் ராயல்ஸ் அணி 15.3 ஓவர்களில் 4 விக்கெட்டுகளை இழந்து 127 ரன்கள் சேர்த்து, 6 விக்கெட்டுகள் வித்தியாசத்தில் வெற்றி பெற்றது. இதன் மூலம் நடப்பு ஐபிஎல் தொடரில் ஹாட்ரிக் வெற்றி பெற்ற முதல் அணி என்ற பெருமையைப் பெற்றுள்ளது. மும்பை அணி ஹாட்ரிக் தோல்வியைத் தழுவியது.
MI vs RR LIVE Score: 100 ரன்களை எட்டிய ராஜஸ்தான்!
ராஜஸ்தான் ராயல்ஸ் அணி 14 ஓவர்கள் முடிவில் 101 ரன்கள் சேர்த்துள்ளது.
MI vs RR LIVE Score: 13 ஓவர்கள் முடிந்தது!
13 ஓவர்கள் முடிவில் ராஜஸ்தான் ராயல்ஸ் அணி 4 விக்கெட்டுகளை இழந்து 94 ரன்கள் சேர்த்து விளையாடி வருகின்றது.
MI vs RR LIVE Score: 4வது விக்கெட்டினை இழந்த ராஜஸ்தான்!
ராஜஸ்தான் ராயல்ஸ் அணி தனது 4வது விக்கெட்டாக அஸ்வினை இழந்துள்ளது. இவரை ஆகாஷ் மாத்வால் வீழ்த்தினார்.
தலைப்பு செய்திகள்
ட்ரெண்டிங் செய்திகள்
