Sago Milk Pudding : குளு குளு ஜவ்வரிசி பால் புட்டிங் ...இப்படி செய்து அசத்துங்க!

Sago Milk Pudding Recipe : ஜவ்வரிசி பால் புட்டிங் எப்படி செய்வதென்று இந்த பதிவில் பார்க்கலாம்.

ஜவ்வரிசி பால் புட்டிங்

100 கிராம் நைலான் ஜவ்வரிசியை 6 மணி நேரம் ஊற வைத்து எடுத்துக் கொள்ளவும். ஒரு பாத்திரத்தை அடுப்பில் வைத்து அதில் மூன்று கப் தண்ணீர் சேர்த்து சூடு செய்யவும். ஒரு கொதி வந்தவுடன் ஊற வைத்த ஜவ்வரிசியை சேர்க்கவும்.

இதில் உங்களுக்கு பிடித்த நிறத்தில் ஃபுட் கலர் சேர்க்கவும். ஜவ்வரிசி வெந்து கண்ணாடிப்பதம் வந்ததும் இதை அடுப்பில் இருந்து இறக்கி தண்ணீரை வடித்து விட வேண்டும். வடிகட்டி எடுத்த ஜவ்வரிசியை அப்படியே வைத்துக் கொள்ளவும். 

அடுப்பில் ஒரு பாத்திரம் வைத்து அரை லிட்டர் கொழுப்பு நிறைந்த பால் சேர்க்கவும். பால் கொதித்ததும், தீயை சிம்மில் வைத்து  3 டீஸ்பூன் கடல் பாசியை சேர்த்துக் கொள்ளவும்.

100 கிராம் பொடித்த சர்க்கரை சேர்த்து, சர்க்கரை கரைந்ததும் வேக வைத்து வைத்துள்ள ஜவ்வரிசியை இதில் சேர்க்கவும். இதை இரண்டு நிமிடம் கொதிக்க விடவும். 

இந்த கலவையை ஊற்றி வைக்க ஒரு பாத்திரத்தை எடுத்து அதன் உட்புறத்தில் வெண்ணெய் தடவி கொள்ளவும்.  இப்போது இந்த கலவையை பாத்திரத்தில் ஊற்றவும்.  இதை மூடி போட்டு ஃப்ரிட்ஜில் எடுத்து வைத்து விடவும்.

இரண்டு மணி நேரத்திற்கு பின் இதை ஃப்ரிட்ஜில் இருந்து எடுத்து, ஒரு தட்டின் மீது கவிழ்த்து தட்டி எடுக்கவும். இப்போது புட்டிங் தனியே வந்து விடும். இதை உங்களுக்கு வேண்டிய வடிவத்தில் வெட்டி எடுத்து பரிமாறலாம்.