உரியடி நாயகன் மீண்டும் வரார்.. டிசம்பர் 15 ஆம் தேதி வெளியாகும் ஃபைட் கிளப்!

உரியடி படத்தின் ஹீரோவான விஜய் குமார் நடிப்பில் ஃபைட் கிளப் படம் வருகிற வெள்ளிக்கிழமை அன்று வெளியாகிறது.

ஃபைட் கிளப்

உறியடி திரைப்படத்தின் மூலம் நடிகராகவும் இயக்குநராகவும் அறிமுகமாகி மக்கள் மத்தியில் பெரும் வரவேற்பைப் பெற்ற நடிகர் விஜய் தற்போது பைட் கிளப் எனும் திரைப்படத்தின் வாயிலாக மீண்டும் நாயகனாக திரைக்கு வர உள்ளார்.

தமிழ் சினிமாவின் முக்கியமான இயக்குநர்களில் ஒருவரான லோகேஷ் கனகராஜ் புதியதாக ஜி ஸ்கொயர் என்னும் தயாரிப்பு நிறுவனத்தை தொடங்கியுள்ளார்.

தனது திரைப்படத் தயாரிப்பு நிறுவனத்தின் சார்பாக பைட் கிளப் எனும் திரைப்படத்தை தயாரித்துள்ளார்.

இத்திரைப்படமானது வரும் டிசம்பர் மாதம் 15 ஆம் தேதி வெளியாக உள்ளது. உறியடி 2 திரைப்படம் வெளியாகி ஐந்தாண்டுகள் கழித்து நடிகர் விஜயின் ஃபைட் கிளப் திரைப்படம் வெளியாவதால் அவருடைய ரசிகர்கள் பெரிதும் எதிர்பார்த்து காத்துக் கொண்டிருக்கிறார்கள்.

பைட் கிளப் திரைப்படத்தை, உறியடி திரைப்படத்தில் இணை இயக்குநராக பணியாற்றிய அப்பாஸ் இயக்கியுள்ளார். இப்படத்தின் நீளம், 2 மணி நேரம் 17 நிமிடங்கள் என செய்திகள் வெளியாகி உள்ளன.

வரும் டிசம்பர் மாதம் 15 ஆம் தேதி அன்று வெளியாகும் கண்ணகி, சபாநாயகன், பைட் கிளப் ஆகிய படங்களின் மீது பெரும் எதிர்ப்பார்ப்பு உள்ளது.