STR 48 : தொடர்ந்து மூன்றாவது முறையாக இணையும் சிம்பு - ஏ.ஆர்.ஆர் கூட்டணி!

STR 48 : தேசிங்கு பெரியசாமி இயக்கத்தில் உருவாகும் சிம்புவின் 48வது படம் குறித்த புது அப்டேட் வந்துள்ளது.

ஏ.ஆர்.ரஹ்மான் - சிலம்பரசன்

தமிழ் சினிமாவில் தவிர்க்க முடியாத நடிகர்களில் ஒருவர் சிலம்பரசன். நீண்ட இடைவெளிக்கு பின் மாநாடு படம் மூலம் கம்-பேக் கொடுத்தார்.

சிலம்பரசன் நடிக்கும் 48வது படத்தை கண்ணும் கண்ணும் கொல்லை அடித்தால் படத்தின் இயக்குநர் தேசிங்கு பெரிய சாமி இயக்க உள்ளார்.

இந்த படத்தை, நடிகர் கமல்ஹாசனின் ராஜ்கமல் பிலிம்ஸ் தயாரிக்கிறது.

சில நாட்களுக்கு முன்பு, சிம்புவின் 48வது படத்தின் போஸ்டரையும், வீடியோவையும் ராஜ் கமல் ஃபிலிம்ஸ் வெளியிட்டது.

இந்த படத்தின் புது அப்டேட் ஒன்று சமூக வலைதளத்தில் வெளியாகியுள்ளது.

வெந்து தணிந்தது காடு, பத்து தல படங்களை தொடர்ந்து சிம்பு- ஏ.ஆர்.ரஹ்மான் கூட்டணி இந்த படத்தில் மீண்டும் இணைந்துள்ளது.