Aditi Shankar: 'என்ன க்ரிஞ்சுன்னு சொல்றாங்க..’ வருத்தத்தில் அதிதி ஷங்கர்!

Aditi Shankar: மாவீரன் படம் நிச்சயம் ரசிகர்களை கவரும். கண்டிப்பாக தியேட்டரில் பார்க்க வேண்டும் என ரசிகர்களிடம், நடிகை அதிதி ஷங்கர் வேண்டுகோள் விடுத்துள்ளார்.

அதிதி சங்கர்

இயக்குநர் ஷங்கரின் மகள் என்ற அடையாளத்துடன் கார்த்தி நடித்த விருமன் படத்தின் மூலம் ஹீரோயினாக அறிமுகமானவர் அதிதி. அந்த படத்தில் பாடகியாகவும் களம் கண்டார்.

இதனைத் தொடர்ந்து அதிதி ஷங்கரின் அடுத்தப்படமாக மாவீரன் வெளியாகவுள்ளது. இந்த படத்தின் ஹீரோவாக சிவகார்த்திகேயன் நடித்துள்ளார். ஜூலை 14 ஆம் தேதி வெளியாகும் மாவீரன் படத்திலும் அதிதி பாடல் ஒன்றை பாடியுள்ளார்.

இதனிடையே நேர்காணல் ஒன்றில், “எனக்கு சினிமாவில் நடிகை சரிதாவின் நடிப்புத்திறமை ரொம்ப பிடிக்கும். நான் நடிக்க வந்த காரணமே எங்க அப்பாதான் ” என அதிதி தெரிவித்தார்.

“நான் நடிக்கப்போகிறேன் என்று சொன்னபோது, ‘வாரிசு ஆதிக்கம்’ என சொன்னார்கள். ஆனால் விருமன் ரிலீசான பிறகு ‘திறமை உள்ள வாரிசு ஆதிக்கம்’என முன்னேற்றம் கண்டது” என்றும் கூறினார் அதிதி.

மேலும் பேசிய அதிதி ‘நான் என்ன பண்ணாலும் சோஷியல் மீடியால கிரிஞ்ச்ன்னு சொல்றாங்க’என்று கூறி வருதப்பட்டார்.

மாவீரன் படத்தில் சிவகார்த்திகேயன் - அதிதி சேர்ந்து பாடியுள்ள ‘வண்ணாரபேட்டையிலே’ பாடல் சமீபத்தில் வெளியாகி நல்ல வரவேற்பை பெற்றது குறிப்பிடத்தக்கது.