மேலும் அறிய

Madurai weathar: மதுரை மாவட்டத்தில் 85.64 செ.மீ.மழைப்பொழிவு பதிவு ; மதுரை மழை குறித்த முழு விபரம்

வடகிழக்கு பருவமழை தொடங்கிய நிலையில் நேற்று மாலை முதல் விடிய விடிய காலை வரை மாவட்ட முழுவதும் பரவலான மழை பெய்தது.

By : அருண் சின்னதுரை | Updated at : 04 Nov 2023 11:39 AM (IST)

மழை

இலங்கை மற்றும் அதனை ஒட்டியுள்ள பகுதிகளில் ஒரு வளிமண்டல கீழடுக்கு சுழற்சி நிலவுகிறது. மேலும் தெற்கு வங்கக்கடல் பகுதியில் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக தமிழ்நாடு, புதுச்சேரி மற்றும் காரைக்கால் பகுதிகளில் அநேக இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். கன்னியாகுமரி, திருநெல்வேலி, தென்காசி, விருதுநகர், தேனி, திண்டுக்கல், நீலகிரி, கோயம்புத்தூர், மதுரை, சிவகங்கை, இராமநாதபுரம், புதுக்கோட்டை மற்றும் தஞ்சாவூர் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது என வானிலை ஆய்வு மையம் தெரிவித்து இருந்தது. இதன்படி கடந்த சில நாட்களாக தமிழ்நாட்டின் பல்வேறு பகுதிகளிலும் கனமழை பெய்து வருகிறது.

அதன்படி மதுரை மாநகருக்கு உட்பட்ட மாவட்ட ஆட்சியர் அலுவலகம், ரயில்வே நிலையம், ஆரப்பாளையம், ஜெய்ஹிந்த்புரம், சிம்மக்கல், தல்லாகுளம், அண்ணாநகர், நரிமேடு, மாட்டுத்தாவணி பேருந்து நிலையம், அனுப்பானடி, தெப்பக்குளம், கலைநகர், டி.ஆர்.ஓ., காலனி, ரேஸ்கோர்ஸ் காலனி, புதூர், பி.பி.குளம் உள்ளிட்ட பல்வேறு பகுதிகளிலும் இடி மின்னலுடன் கூடிய கன மழை பெய்தது. இதன் காரணமாக ஆங்காங்கே முக்கிய சாலைகளில் மழைநீர் தேங்கியுள்ளதால் போக்குவரத்து நெரிசல் ஏற்பட்டது. மாநகரின் சில தாழ்வான பகுதிகளில் சாலைகளில் மழை நீர் தேங்கியிருந்ததால் வாகனங்கள் ஊர்ந்தபடி மெதுவாக சென்றது. தேவையான இடங்களில் சாலை பணிகளை விரைந்து முடிக்கவும், மழை நீர் சாலைகளில் தேங்குவதை தடுக்கவும் மாநகராட்சி நிர்வாகம் நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர்.

வடகிழக்கு பருவமழை தொடங்கிய நிலையில் நேற்று மாலை முதல் விடிய விடிய காலை வரை மாவட்ட முழுவதும் பரவலான மழை பெய்தது மதுரை மாவட்டத்தில் உள்ள 22 மழை அளவீட்டு நிலையங்களில் எடுக்கப்பட்ட அளவுகளின் அடிப்படையில் மாவட்ட முழுவதும் மொத்தமாக 85.64 செ.மீ.மழைப்பொழிவு பதிவாகியுள்ளது. அதில் மதுரை மாநகரான மாநகர் வடக்கு பகுதியில் அதிகபட்சமாக 7.5 செ.மீ மழைப்பொழிவும், உசிலம்பட்டியில் 5.9 செ.மீ , விமான நிலையத்தில் 5.6 செ.மீ, புளிப்பட்டி 4.78 செ.மீ எனவும், ஆண்டிப்பட்டி 4.64 செ.மீ மழைப்பொழிவும் , குறைந்த பட்சமாக மேலூரில் 2 செ.மீ மழைப்பொழிவும் பதிவாகியுள்ளது.

Madurai weathar: மதுரை மாவட்டத்தில் 85.64 செ.மீ.மழைப்பொழிவு பதிவு ; மதுரை மழை குறித்த முழு விபரம்

மதுரை மாவட்டத்தில் கனமழை காரணமாக இன்று (4.11.2023) பள்ளிகளுக்கும் மற்றும் பள்ளிகளில் நடக்கும் சிறப்பு வகுப்புகளுக்கும் விடுமுறை - மதுரை மாவட்ட ஆட்சித்தலைவர் மா.சௌ.சங்கீதா இஆப அவர்கள் அறிவிப்பு செய்துள்ளது குறிப்பிடதக்கது.

RAINFALL REPORT

District : Madurai
Date : 04/11/2023

Total No.of Rainguage Stations -- 22.

District Rainfall in mm - 856.40
Average Rainfall in mm - 38.93

1) Airport Madurai -- 50.60
2) Viraganur -- 30.20
3) Madurai North - 76.50
4) Chittampatti -- 30.60
5) Idayapatti -- 25.00
6) Kallandiri -- 33.20
7) Tallakulam -- 30.40
8) Melur -- 22.00
9) Pulipatti -- 47.80
10) Thaniyamangalam -- 40.00
11)Sathiyar dam -- 40.00
12)Mettupatti --- 42.20
13)Andipatti -- 46.40
14)Sholavandhan -- 30.30
15)Vadipatti -- 45.00
16)Usilampatti -- 59.00
17)Kuppanampatti -- 24.00
18)Kalligudi -- 45.40
19)Tirumangalam -- 24.60
20)Peraiyur -- 43.00
21)Elumalai -- 30.00
22)Periyapatti -- 40.20