Goundamani comeback: தலைவா வா வா.. மீண்டும் ஹீரோவாக கம்பேக்.. கவுண்டமணி ரசிகர்கள் உற்சாகம்!

இறுதியாக நடிகர் சிம்புவுடன் மன்மதன் படத்தில் காமெடி மற்றும் முக்கியப் பாத்திரத்தில் நடித்த கவுண்டமணி, ‘49 - 0’, ‘எனக்கு வேறு எங்கும் கிளைகள் கிடையாது’ ஆகிய படங்களில் ஹீரோவாக நடித்திருந்தார்.

கவுண்டமணி

தமிழ் சினிமாவில் தனக்கென பிரத்யேக இடம்பிடித்து 70கள் தொடங்கி தமிழ் சினிமா ரசிகர்களின் வயிறுகளை பதம் பார்த்து நகைச்சுவை ஜாம்பவனாக வலம் வருபவர் நடிகர் கவுண்டமணி.

குறிப்பாக 80கள், 90களில் செந்திலுடன் இணைந்து காமெடி விருந்து படைத்த நடிகர் கவுண்டமணியின் நக்கல்கள் மற்றும் ஒன்லைனர்களை இன்றைய மீம் உலகினரும் உபயோகித்து லைக்ஸ் அள்ளி வருகின்றனர்.

இறுதியாக நடிகர் சிம்புவுடன் மன்மதன் படத்தில் காமெடி மற்றும் முக்கியப் பாத்திரத்தில் நடித்த கவுண்டமணி, ‘49 - 0’, ‘எனக்கு வேறு எங்கும் கிளைகள் கிடையாது’ ஆகிய படங்களில் ஹீரோவாக நடித்திருந்தார். ஆனால் இந்தப் படங்கள் எதிர்பார்த்த அளவுக்கு போகவில்லை.

முன்னதாக தீவிர கவுண்டமணி ரசிகரான நடிகர் சிவகார்த்திகேயன் தனது ’மாவீரன்’ படத்தில் அவரை நடிக்க கடுமையாக முயற்சித்து வருவதாக செய்திகள் வெளியாகின.

இந்நிலையில் தற்போது இயக்குநர் செல்வ அன்பரசனின் ’பழனிச்சாமி வாத்தியார்’ எனும் படத்தில் மீண்டும் ஹீரோவாக கவுண்டமணி நடிக்கவிருப்பதாகத் தகவல்கள் வெளியாகி உள்ளன.

 

வேலம்மாள் சினி கிரியேஷன்ஸ் தயாரிப்பில், நகைச்சுவை மாமன்னர் கவுண்டமணி கதையின் நாயகனாக நடிக்கும் #பழனிச்சாமி_வாத்தியார் என்ற படத்தை செல்வ அன்பரசன் இயக்குகிறார்.#Goundamani @ProBhuvan pic.twitter.com/joXWkNSWBB

— Actor Kayal Devaraj (@kayaldevaraj) November 26, 2022

கவுண்டமணி அவரது அரசியல் கேலி, சாதிய எதிர்ப்பு கருத்துகளுக்காக கோலிவுட் ரசிகர்களால் பெரிதும் விரும்பப்படும் நிலையில், உருவக்கேலி செய்வது, மாற்றுத்திறனாளிகளை கேலி செய்வது உள்ளிட்ட விஷயங்களுக்காக இன்றைய இணைய உலகில் கடுமையாக விமர்சிக்கப்பட்டு வருகிறார்.

இந்நிலையில் அனைத்து தரப்பினருக்குமான நகைச்சுவையுடன் இப்படத்தில் கவுண்டமணி கம்பேக் கொடுப்பாரா என ஆவலுடன் ரசிகர்கள் எதிர்பார்த்து காத்துள்ளனர்.

முன்னதாக 90களின் பிரபல நடிகை சுகன்யா தனியார் யூடியூப் சேனல் ஒன்றுக்கு அளித்த பேட்டியில் கவுண்டமணி பற்றிய சுவாரஸ்யத் தகவல்களை பகிர்ந்திருந்தார்.

அப்போது சின்னக் கவுண்டர் படம் குறித்துப் பேசிய சுகன்யா, ”கவுண்டமணி சாரும் செந்தில் சாரும் ஸ்பாட்டிற்கு வந்தாலே சிரிப்பு சத்தம் கேட்டுக்கொண்டே இருக்கும். அங்கு கூடி இருக்கும் மக்கள் அவர்களுடைய ஏதோ ஒரு காமெடியை சொல்லி சொல்லி சிரித்து கொண்டு இருப்பார்கள். கவுண்டமணி சார் செந்திலை படங்களில் தான் திட்டுவார், நேர்ல எல்லோரிடமும் மிகவும் அன்பாக பழகக்கூடிய நபர் அவர்.

மிகவும் மரியாதையானவர், அதற்கு முன்னதாகவே அவருடன் ஞானப்பழம் என்ற பாக்யராஜ் திரைப்படத்தில் அவருக்கு தங்கையாக நடித்திருப்பேன். அப்போதிலிருந்தே நல்ல நட்பு எங்களுக்குள் உண்டு." எனத் தெரிவித்திருந்தார்.