Paasi Paruppu Pakoda Recipe : காரசாரமான சத்துகள் நிறைந்த பாசி பருப்பு பக்கோடா..இன்றே செய்யுங்கள்!

Paasi Paruppu Pakoda Recipe : டக்குன்னு மொறு மொறுன்னு ஒரு ஸ்நாக்ஸ் செய்யனுமா? இந்த பாசி பருப்பு பக்கோடாவை இன்றே செய்யுங்கள்.

பாசி பருப்பு பக்கோடா

தேவையான பொருட்கள் : பாசி பருப்பு - 1 கப், உளுத்தம் பருப்பு - 1/4 கப், பச்சரிசி - 1/4 கப், வெங்காயம் - 1 பொடியாக நறுக்கியது, இஞ்சி - 1 துண்டு பொடியாக நறுக்கியது, பச்சை மிளகாய் - 2 பொடியாக நறுக்கியது, உப்பு - 1 தேக்கரண்டி, பெருங்காயத்தூள் - 1/4 தேக்கரண்டி, ஓமம் - 1 தேக்கரண்டி, கொத்தமல்லி இலை நறுக்கியது, எண்ணெய் - பொரிப்பதற்கு.

செய்முறை: முதலில் ஒரு பாத்திரத்தில் பாசி பருப்பு, உளுத்தம் பருப்பு, பச்சரிசி சேர்த்து நன்கு கழுவி 2 மணிநேரம் ஊறவைக்கவும்.

பிறகு தண்ணீர் இன்றி சற்று கொரகொரப்பாக அரைத்து கொள்ளவும்.

மாவை பாத்திரத்திற்கு மாற்றி அதில் பொடியாக நறுக்கிய வெங்காயம், பச்சை மிளகாய், இஞ்சி, உப்பு, பெருங்காயத்தூள், ஓமம், கொத்தமல்லி இலை சேர்த்து நன்கு கலந்துவிடவும்.

கடாயில் எண்ணெய் ஊற்றி எண்ணெய் சூடானதும் அதில் தயார் செய்த மாவை சிறு சிறு உருண்டைகளாக போட்டு பொன்னிறமாக பொரித்து எடுக்கவும்.

அவ்வளவு தான் அருமையான பாசி பருப்பு பக்கோடா தயார்!