Shreema Upadhyaya : நந்தினிக்கு டஃப் கொடுக்கும் ராஷ்ட்ரக்கூட இளவரசி..யாருப்பா இந்த பொண்ணு?

பரதம் முதல் மாடலிங் வரை அசத்தும் இப்பெண், பொ.செ இரண்டாம் பாகத்தில் 2 காட்சிகளில் மட்டும் இடம்பெற்று ட்ரெண்ட் ஆகியுள்ளார்.

ராஷ்ட்ரக்கூட இளவரசியாக நடித்த ஸ்ரீமா உபாத்யாயா

அமரர் கல்கியின் பொன்னியின் செல்வன் நாவல் இரண்டு பாகங்களாக திரைப்படமாக எடுக்கப்பட்டு வெளியாகியுள்ளது.

பொன்னியின் செல்வன் 2ஆம் பாகத்தில் ராஷ்ட்ரக்கூட மன்னன் மகளாக ஒருவர் காட்டப்பட்டிருப்பார்.

அவரைக் கொண்டு மதுராந்தகனை வளைக்கும் திட்டத்தை ராஷ்ட்ரகூட மன்னன் கையில் எடுத்திருப்பார்.

இரண்டு காட்சிகளில் மட்டுமே அந்த நடிகை நடித்திருப்பார். வசனங்களும் இருக்காது. ஆனால் அவரது அழகு ரசிகர்களை கவர்ந்தது என்றே சொல்லலாம். மாதுலி கதாபாத்திரத்தில் நடித்த அப்பெண்ணின் பெயர் ஸ்ரீமா உபாத்யாயா

இவர் பெங்களூருவைச் சேர்ந்த பரதநாட்டியக் கலைஞர் ஆவார். கடந்த 19 ஆண்டுகளாக அவர் இந்த கலையில் சிறந்து விளங்குகிறார்.

நடனக்கலையை தாண்டி, மாடலிங்கும் செய்து வருகிறார். யோகா செய்வதும் இவருக்கு பிடிக்குமாம்.