Yezhu Kadal Yezhu Malai : இன்று மாலை வெளியாகிறது ஏழு கடல் ஏழு மலை ஃபர்ஸ்ட் சிங்கிள்!

Yezhu Kadal Yezhu Malai : காதலர் தின ஸ்பெஷலாக 'ஏழு கடல் ஏழு மலை' படத்தின் ஃபர்ஸ்ட் சிங்கிள் பாடல் இன்று மாலை வெளியாகிறது.

ஏழு கடல் ஏழு மலை - ஃபர்ஸ்ட் சிங்கிள்

தமிழ் சினிமாவின் முக்கியமான இயக்குநர்களில் ஒருவரான ராம் இயக்கத்தில் பல ஆண்டுகளுக்கு பிறகு உருவாகி இருக்கும் திரைப்படம் 'ஏழு கடல் ஏழு மலை'.

நிவின் பாலி, அஞ்சலி, சூரி உள்ளிட்டோர் முக்கிய கதாபாத்திரத்தில் நடிக்கும் இப்படத்தை வி ஹவுஸ் புரொடக்ஷன்ஸ் சுரேஷ் காமாட்சி தயாரித்துள்ளார்.

யுவன் ஷங்கர் ராஜா இப்படத்திற்கு இசையமைத்துள்ளார்.

'ஏழு கடல் ஏழு மலை' படத்தின் ஃபர்ஸ்ட் சிங்கிள் பாடல் காதலர் தினத்தை முன்னிட்டு இன்று மாலை 6 மணிக்கு வெளியாக உள்ளது.

'மறுபடி நீ...' என்ற இந்த பாடலின் வரிகளை மதன் கார்க்கி எழுத நடிகர் சித்தார்த் இந்த பாடலை பாடியுள்ளார்.

"பிரிந்தாலும் பிரியாமலே ஒரு பூவும் உதிராமலே என் நெஞ்சின் காடெங்கும் என்றும் நீயே" என்ற இந்த பாடலை கேட்க மிகவும் ஆவலுடன் காத்திருக்கிறார்கள் ரசிகர்கள்.