Vettaiyan : இந்த தீபாவளிக்கு சரவெடியாக வரப்போகிறது ரஜினிகாந்தின் வேட்டையன்!

Vettaiyan : த.செ. ஞானவேல் இயக்கத்தில் நடிகர் ரஜினிகாந்த் நடிக்கும் 'வேட்டையன்' படத்தின் ரிலீஸ் குறித்த உறுதியான தகவல் ஒன்றை படக்குழு தெரிவித்துள்ளது. 

வேட்டையன் ரிலீஸ்

நடிகர் ரஜினிகாந்த் நடிப்பில் கடந்த ஆண்டு வெளியான ஜெயிலர் படத்தில் நடித்திருந்தார். அப்படம் அவருக்கு ஒரு சிறந்த கம்பேக் படமாக அமைந்தது.

கேமியோ கதாபாத்திரத்தில் சமீபத்தில் வெளியான 'லால் சலாம்' படத்தில் நடித்திருந்தார்.

அடுத்ததாக 'ஜெய்பீம்' புகழ் த.செ. ஞானவேல் இயக்கத்தில் 'வேட்டையன்' படத்தில் மும்மரமாக நடித்து வருகிறார் ரஜினிகாந்த்.

அமிதாப் பச்சன், ஃபகத் பாசில், மஞ்சு வாரியர், ரித்திகா சிங், ராணா டகுபதி உள்ளிட்டோர் முக்கியமான கதாபாத்திரத்தில் நடிக்கிறார்கள்.

மார்ச் மாதத்திற்குள் ஒட்டுமொத்த படப்பிடிப்பையும் முடிக்க படக்குழு திட்டமிட்டுள்ளதாக நெருங்கிய சினிமா வட்டாரங்கள் தெரிவிக்கின்றன.

ரஜினிகாந்த் படம் என்றாலே ரசிகர்கள் மத்தியில் மிகுந்த எதிர்பார்ப்பு இருக்கும். அந்த வகையில் வேட்டையன் படத்தின் ரிலீஸ் குறித்த அறிவிப்பு ஒன்றை படக்குழு வெளியிட்டுள்ளது.

'வேட்டையன்' திரைப்படம் தீபாவளிக்கு வெளியாக உள்ளது என்ற உறுதியான தகவல் வெளியாகி ரசிகர்களை உற்சாகப்படுத்தியுள்ளது.