Rebel Release Date : ஜி.வி. பிரகாஷின் ரிபெல்.. படத்தின் ரிலீஸ் தேதி அறிவிப்பு வந்தாச்சு!

Rebel release date : ஜி.வி. பிரகாஷ் குமார் ஹீரோவாக நடிக்கும் 'ரிபெல்' படத்தின் ரிலீஸ் தேதி அறிவிப்பை வெளியிட்டுள்ளது படக்குழு. 

ஜிவி பிரகாஷ் குமார் நடிக்கும் ரிபெல்

ஸ்டூடியோ கிரீன் நிறுவனத்தின் தயாரிப்பில் இயக்குநர் நிகேஷ் இயக்கத்தில் ஜி.வி. பிரகாஷ் குமார் நடிப்பில் உருவாகியுள்ள திரைப்படம் 'ரிபெல்'.

சமீபத்தில் ஜி.வி. பிரகாஷ் குமார் ஹீரோவாக நடித்த 'அடியே' திரைப்படம் கலவையான விமர்சனங்களை பெற்றது.

ஜி.வி. பிரகாஷ் குமார் இசையமைத்த 'கேப்டன் மில்லர்' திரைப்படம் பொங்கலுக்கு வெளியாகி நல்ல வரவேற்பை பெற்றது.

அதன் தொடர்ச்சியாக ஜி.வி. பிரகாஷ் குமார் ஹீரோவாக நடித்துள்ள 'ரிபெல்' படத்திற்கு சமீபத்தில் தான் யு/ஏ சான்றிதழை சென்சார் குழு வழங்கியது.

இப்படத்தில் மமிதா பைஜூ, சுப்ரமணிய சிவா, கருணாஸ் மற்றும் பலர் நடித்துள்ளனர்.

தற்போது 'ரிபெல்' படத்தின் ரிலீஸ் தேதியை படக்குழு அறிவித்துள்ளது. வரும் மார்ச் 22ம் தேதி முதல் இப்படம் திரையரங்கில் வெளியாக உள்ளது.