Gold Rate Dec.31st: புத்தாண்டில் இன்ப அதிர்ச்சி; ஒரு லட்சம் ரூபாய்க்கு கீழ் விலை குறைந்த தங்கம்; தற்போதைய விலை என்ன.?
புத்தாண்டு பரிசாக, தங்கத்தின் விலை இன்று ஒரே நாளில் 960 ரூபாய் குறைந்து, சவரன் ஒரு லட்சம் ரூபாய்க்கும் கீழ் சென்றது. தங்கத்தின் தற்போதைய விலை என்ன தெரியுமா.?
சென்னையில் ஆபரணத் தங்கத்தின் விலை தாறுமாறாக உயர்ந்து, ஒரு லட்சம் ரூபாயை தாண்டியும் பல ஆயிரங்கள் உயர்ந்து வந்தது. இதனால் பொதுமக்கள் கடும் அதிர்ச்சி அடைந்திருந்த நிலையில், தற்போது புத்தாண்டு பரிசாக, தங்கத்தின் விலை சவரன் ஒரு லட்சம் ரூபாய்க்கு கீழ் குறைந்துள்ளது. தங்கத்தின் தற்போதைய விலை என்ன என்பதை பார்க்கலாம்.
ஒரு லட்சம் ரூபாய்க்கும் கீழ் குறைந்த தங்கம் விலை
தங்கத்தின் விலை தினமும் அதிர்ச்சி கொடுத்துவந்த நிலையில், புத்தாண்டை ஒட்டி விலை குறைந்துள்ளது. இன்று ஒரே நாளில் 960 ரூபாய் குறைந்து, சவரன் ஒரு லட்சம் ரூபாய்க்கு கீழ் வந்துள்ளது.
கடந்த வார இறுதியில், அதாவது 28-ம் தேதி ஒரு கிராம் 13,100 ரூபாயாகவும், ஒரு சவரன் 1,04,800 ரூபாயாகவும் இருந்தது தங்கத்தின் விலை. இந்த நிலையில், இவ்வார தொடக்கத்தில், அதாவது திங்கட்கிழமை 29-ம் தேதி, ஒரு கிராம் விலை குறைந்து 13,020 ரூபாயாகவும், ஒரு சவரன் தங்கம் 1,04,160 ரூபாயாகவும் விற்பனை செய்யப்பட்டது.
தொடர்ந்து, 30-ம் தேதியான நேற்று ஒரே நாளில், அதிரடியாக 3 ஆயிரம் ரூபாய்க்கு மேல் விலை குறைந்தது. அதன்படி, ஒரு கிராம் 12,600 ரூபாய்க்கும், ஒரு சவரன் 1,00,800 ரூபாய்க்கும் விற்பனை செய்யப்பட்டது.
இந்நிலையில், இந்த வருடத்தின் கடைசி நாளான இன்று ஒரே நாளில், இருமுறை விலை குறைந்து, தங்கம் ஒரு சவரன் ஒரு லட்சம் ரூபாய்க்கும் கீழ் வந்துள்ளது.
இன்றைய விலை என்ன.?
அதன்படி, இன்று காலை தங்கம் கிராமிற்கு 50 ரூபாய் விலை குறைந்து, ஒரு கிராம் 12,550 ரூபாய்க்கும், சவரனுக்கு 400 ரூபாய் விலை குறைந்து 1,00,400 ரூபாயாக விற்பனையானது.
இந்நிலையில், மாலையில் தங்கம் கிராமிற்கு மேலும் 70 ரூபாய் விலை குறைந்து, ஒரு கிராம் 12,480 ரூபாய்க்கும், சவரனுக்கு மேலும் 560 ரூபாய் விலை குறைந்து, ஒரு சவரன் 99,840 ரூபாய்க்கு விற்பனை செய்யப்படுகிறது.
புத்தாண்டில் தங்கத்தின் விலை சவரன் ஒரு லட்சம் ரூபாய்க்கும் கீழ் குறைந்துள்ளது, பொதுமக்களுக்கு சற்று ஆறுதல் அளித்துள்ளது.
வெள்ளியின் விலை ஒரு ரூபாய் குறைவு
இதேபோல், வெள்ளி விலை கிராமிற்கு ஒரு ரூபாய் குறைந்துள்ளது. கடந்த வார இறுதியில், அதாவது 28-ம் தேதி புதிய உச்சமாக கிராம் 285 ரூபாய்க்கு சென்றது வெள்ளி.
இந்நிலையில், திங்கட்கிழமையான 29-ம் தேதி கிராமிற்கு 4 ரூபாய் விலை குறைந்து, ஒரு கிராம் 281 ரூபாய்க்கு விற்பனையானது. தொடர்ந்து, 30-ம் தேதியான நேற்று, வெள்ளி விலையும் அதிரடியாக கிராமிற்க 23 ரூபாய் குறைந்து, ஒரு கிராம் 258 ரூபாய்க்கு விற்கப்பட்டது.
இந்நிலையில், வெள்ளியின் விலை இன்று மேலும் ஒரு ரூபாய் விலை குறைந்து, ஒரு கிராம் 257 ரூபாய்க்கு விற்கப்படுகிறது.
தலைப்பு செய்திகள்
ட்ரெண்டிங் செய்திகள்
