சினிமா ரசிகர்களுக்கு ஒரு இன்ப அதிர்ச்சி..இயக்குநர் அட்லீ என்ன சொன்னார் தெரியுமா?

கோலிவுட்டிலிருந்து பாலிவுட் சென்ற அட்லீ, தனது அடுத்த படம் குறித்த அறிவிப்பை வெளியிட்டுள்ளார்

ஷாருக்கான் - விஜய்

ராஜா ராணி, தெறி, மெர்சல், பிகில், ஜவான் உள்ளிட்ட வெற்றி படங்களை இயக்கிய அட்லீ தற்போது நடிகர் ஷாருக்கானையும் நடிகர் விஜய்யையும் வைத்து படம் இயக்கப் போவதாக மேடை நிகழ்ச்சி ஒன்றில் பேசியுள்ளார்.

இயக்குநர் அட்லீ, சமீபத்தில் பாலிவுட் நடிகர் ஷாருக்கானை வைத்து இயக்கிய ஜவான் திரைப்படம் உலக அளவில் 1150 கோடி ரூபாயை வசூல் செய்து சாதனை படைத்துள்ளது.

இப்படம் 2023ல் உலகளவில் அதிக வசூலை செய்த இந்திய திரைப்படங்களின் பட்டியலில் முதல் இடத்தை பிடித்துள்ளது.

அட்லீ தற்போது தமிழ், தெலுங்கு, ஹிந்தி என மூன்று திரை உலகிலும் திரைப்படங்களை தயாரித்து வருவதாகவும் சமீபத்திய நேர்காணலில் பேசியுள்ளார்.

ஏற்கனவே இவர் இயக்கிய மெர்சல் ,பிகில், தெறி மூன்று படங்களும் 100 கோடிக்கு மேல் வசூல் செய்து தமிழ் திரை உலகில் சாதனை படைத்திருந்தது குறிப்பிடத்தக்கது.

தமிழ் சினிமாவின் உச்ச நட்சத்திரமான நடிகர் விஜயையும் பாலிவுட் சினிமாவின் உச்ச நட்சத்திரமான ஷாருக்கானையும் வைத்து இவர் இயக்க போகும் படத்திற்கான எதிர்பார்ப்பு மக்கள் மத்தியில் பெரும் எதிர்பார்ப்பை கிளப்பியுள்ளது.