Pushpa 3 : புஷ்பா 3 இருக்கு..உறுதிப்படுத்திய அல்லு அர்ஜுன் - உற்சாகத்தில் ரசிகர்கள்!

Pushpa 3 : அல்லு அர்ஜுன் நடிப்பில் புஷ்பா 2 விரைவில் வெளியாக உள்ள நிலையில் அடுத்ததாக புஷ்பா 3 உருவாக உள்ளது என்ற சூப்பர் அப்டேட் ஒன்று வெளியாகியுள்ளது.

புஷ்பா 3

சுகுமார் இயக்கத்தில் நடிகர் அல்லு அர்ஜுன் நடிப்பில் கடந்த 2021ம் ஆண்டு வெளியாகி சூப்பர் ஹிட் வெற்றி பெற்ற திரைப்படம் 'புஷ்பா: தி ரைஸ்'.

சந்தன கடத்தலை மையமாக வைத்து வெளியான இப்படத்தில் ராஷ்மிகா மந்தனா, ஃபகத் பாசில் உள்ளிட்டோர் நடித்திருந்தனர்.

தேசி ஸ்ரீ பிரசாத் இசையமைத்த இப்படம் 400 கோடிக்கும் மேல் வசூல் செய்து சர்வதேச அளவில் வரவேற்பை பெற்றது.

இப்படத்தின் இரண்டாம் பாகம் 'புஷ்பா : தி ரூல்' மிகவும் விறுவிறுப்பாக உருவாகி வருகிறது.

பான் இந்தியன் படமாக உருவாகி வரும் புஷ்பா 2 ஆகஸ்ட் 15 ஆம் தேதி வெளியாகிறது

பெர்லின் பிலிம் பெஸ்டிவலில் கலந்து கொண்ட அல்லு அர்ஜுன் அடுத்ததாக புஷ்பா 3 உருவாக உள்ளது என்ற சூப்பர் அப்டேட் ஒன்றை கொடுத்து உற்சாகப்படுத்தி உள்ளார்.