Actress Abhirami : தமிழக வெற்றிக் கழகத்தில் இணைந்தாரா நடிகை அபிராமி ?...எதனால் இந்த குழப்பம்

நடிகை அபிராமி விஜயின் தமிழக வெற்றிக் கழகத்தில் இணைந்துள்ளதாக சமூக வலைதளங்களில் தகவல்கள் வெளியாகி வருகின்றன.

அபிராமி , தவெக , விஜய்

அர்ஜூன் நடித்து 2000 ஆம் ஆண்டு வெளியான வானவில் படத்தின் மூலம் நடிகையாக அறிமுகமானவர் அபிராமி. தொடர்ந்து மிடில் கிளாஸ் மாதவன் , சமுத்திரம் , சார்லி சாப்ளின் , விருமாண்டி உள்ளிட்ட வெற்றிப்படங்களில் நடித்தார். சில கால இடைவெளிக்குப் பின் தற்போது மீண்டும் பிஸியாக படங்களில் நடித்து வருகிறார் அபிராமி. விஜய் சேதுபதி நடித்த மகராஜா மற்றும் சமீபத்தில் வெளியான வேட்டையன் படத்திலும் சிறிய கதாபாத்திரங்களில் நடித்திருந்தார். அடுத்தபடியாக கமலின் தக் லைஃப் படத்தில் நடித்துள்ளார்.

நடிகை அபிராமி நேற்று நவம்பர் 19 ஆம் தேதி சென்னையில் பிரபுதேவா நடித்துள்ள ஜாலியோ ஜிம்கானா படத்தின் பத்திரிகையாளர் சந்திப்பில் கலந்துகொண்டார். அப்போது அவர் விஜயின் தமிழ வெற்றிக் கழகத்தின் கட்சிக் கொடி பொருத்தப்பட்ட காரில் வந்து இறங்கியது பெரும் பரபரப்பை ஏற்படுத்தியது.