Vijay Fan Boy Movement : பல கோடி ரசிகர்களை கொண்ட விஜய்யின் ஃபேன் பாய் மொமெண்டை போட்டோ எடுத்த வெங்கட் பிரபு!

நடிகர் விஜய் அமெரிக்காவில் தி ஈக்வலைசர் படத்தின் மூன்றாம் பாகத்தை தியேட்டரில் பார்த்த தருணத்தை இயக்குநர் வெங்கட் பிரபு எக்ஸ் பக்கத்தில் பதிவிட்டுள்ளார்.

விஜய் ஃபேன் பாய் மொமண்ட்

தமிழ் சினிமாவில் முன்னணி நடிகர்களில் ஒருவராக வலம் வருபவர் நடிகர் விஜய்.

இவரின் 68வது படத்தை ஏஜிஎஸ் நிறுவனம் தயாரிக்க உள்ளதாக ஏற்கனவே அறிவிப்பு வெளியானது. இந்த படத்தை வெங்கட் பிரபு இயக்கத்தில் உருவாக உள்ளது.

இதனை அடுத்து சமீபத்தில் இயக்குநர் வெங்கட் பிரபு மற்றும் நடிகர் விஜய் ‘தளபதி 68’ படத்தின் முன்னேற்பாட்டிற்கு அமெரிக்காவின் கலிஃபோர்னியாவிற்கு சென்றுள்ளனர்.

அங்குள்ள கிரியேட்டிவ் டெக்னாலஜிஸ் என்ற நிறுவனத்தில் ‘விஜய் 68’ படத்துக்கான தொழில்நுட்ப பணிகளை ஆய்வு செய்து வருகின்றனர்.

தற்போது நடிகர் விஜய், கலிஃபோர்னியாவில் உள்ள திரையரங்கில் டென்சல் வாஷிங்டன் நடிப்பில் வெளியான ‘தி ஈக்வலைசர்’ படத்தின் மூன்றாம் பாகத்தை பார்த்துள்ளார்.

தியேட்டரில் படம் பார்க்கும் விஜய்யின் புகைப்படத்தை எடுத்து, தனது எக்ஸ் பக்கத்தில் பதிவிட்டு, ‘நடிகர் விஜய்யின் ஃபேன் பாய் மொமண்ட்’ என்ற கேப்ஷனை குறிப்பிட்டுள்ளார்.