Vijay students Meet Up: 'பிறர்க்காக வாழும் நெஞ்சம் தனக்காக வாழும் கொஞ்சம்...’ மாணவர்கள் பாராட்டு விழாவிற்கு விஜய் மக்கள் இயக்கம் செய்த ஏற்பாடுகள் என்ன?

2023 ஆம் ஆண்டு 10 மற்றும் 12 வது பொது தேர்வில் மாவட்டங்கள் வாரியாக முதல் மூன்று இடங்களை பிடித்த மாணவ மாணவியருக்கு நடிகர் விஜய் சான்றிதழ்களையும் ஊக்க தொகையும் வழங்க உள்ளார்.

மாணவர்களுடன் நடிகர் விஜய்

பத்து மற்றும் பன்னிரண்டாம் வகுப்பு மாணவர்களுக்கு பரிசளிக்கும் நிகழ்ச்சியானது சென்னை நீலாங்கரையில் உள்ள ஆர் கே கன்வென்ஷன் சென்டரில் 17.06.2023 சனிக்கிழமை அன்று நடைபெற உள்ளது

மேலும் பரிசு வழங்குவதற்காக 2 கோடி ரூபாய் பட்ஜெட்டில் 10 மற்றும் 12 ஆம் வகுப்பு மாணவர்களுக்கு சான்றிதழ்களும் மற்றும் ஊக்க தொகையும் வழங்கப்படுகிறது.

இந்த நிகழ்ச்சி நடைபெறும் இடமான சென்னை நீலாங்கரையில் உள்ள ஆர் கே கன்வென்ஷன் சென்டருக்கு கிட்டத்தட்ட 45 லட்சம் வாடகையாக கொடுக்கப்பட்டிருக்கிறது.

மேலும் 200 இருசக்கர வாகனங்களை நிறுத்துவதற்கும் நானூறுக்கும் மேற்பட்ட நான்கு சக்கர வாகனங்களை நிறுத்துவதற்கும் இந்த ஆர் கே கன்வென்ஷன் சென்டரில் ஏற்பாடு செய்யப்பட்டுள்ளது.

அதேபோல் ஒவ்வொரு மாவட்டங்களிலும் இருந்து வரும் பெற்றோர்களும் மற்றும் மாணவர்களும் ஒரு நாள் முன்னதாகவே அழைக்கப்பட்டு அவர்கள் தங்குவதற்கும் புத்துணர்ச்சி பெறுவதற்கும் சென்னையில் உள்ள தனியார் விடுதிகளில் தங்கும் வசதியும் ஏற்பாடு செய்யப்பட்டுள்ளது.

மேலும் மாணவர்களையும் மற்றும் பெற்றோர்களையும் முன்னதாக தங்க வைப்பதற்காக ஏற்பாடு செய்வதற்காக இன்று விஜய் மக்கள் இயக்கத்தில் உள்ள குறிப்பிட்ட மாவட்ட நிர்வாகிகளை மட்டும் அழைத்து புஸ்ஸி ஆனந்த் தலைமையில் இன்று ஆலோசனை நடக்க இருப்பதாக தகவல் வெளியாகியிருக்கிறது.