TN Rain News LIVE: கடலூர் மாவட்டத்தில் பள்ளி, கல்லூரிகளுக்கு நாளை விடுமுறை
TN Rain News LIVE Updates: வடகிழக்கு பருவமழை காரணமாக சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் கனமழை பெய்ய உள்ளது. தமிழ்நாடு மழை தொடர்பான அப்டேட்களை இங்கு தெரிந்து கொள்ளுங்கள்.
LIVE
Background
தமிழ்நாடு முழுவதும் இந்த மாதம் தொடங்கியது முதலே தொடர்ந்து மழை பெய்து வருகிறது. வடகிழக்கு பருவமழை காரணமாக 20 செ.மீட்டர் அளவுக்கு மழை பதிவாகும் என ஏற்கனவே வானிலை மையம் தெரிவித்துள்ளது.
கடந்த சில நாட்களாகவே சென்னை உள்ளிட்ட பல மாவட்டங்களில் பகல் நேரங்களில் ஓரளவு வெயில் அடித்தாலும் இரவு நேரத்தில் அதிகளவு மழை பெய்து வருகிறது.
சென்னை மக்களே உஷார்:
சென்னை உள்பட பல மாவட்டங்களில் நேற்றும் மழை இரவு நேரத்தில் வெளுத்து வாங்கியது. சென்னை வானிலை ஆய்வு மையம் வெளியிட்ட அறிவிப்பின்படி, தமிழ்நாடு முழுவதும் காலை 7 மணி வரை பல மாவட்டங்களிலும் மழை கொட்டித் தீர்க்கப்போகிறது.
குறிப்பாக, சென்னை, செங்கல்பட்டு, காஞ்சிபுரம் மற்றும் திருவள்ளூர் ஆகிய 4 மாவட்டங்களில் இடி. மின்னலுடன் கூடிய மழை பெய்யும் என்று தெரிவிக்கப்பட்டுள்ளது. அதேபோல, ராணிப்பேட்டை, வேலூர், திருப்பத்தூர், விருதுநகர், சிவகங்கை, ராமநாதபுரம், புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, கடலூர், கள்ளக்குறிச்சி, திருவண்ணாமலை, விழுப்புரம், தேனி, திண்டுக்கல் மற்றும் திருப்பூரில் காலை 7 மணி வரை மிதமான மழை பெய்யும் என்று வானிலை ஆய்வு மையம் தெரிவித்துள்ளது.
அலர்ட் கொடுத்த வானிலை ஆய்வு மையம்:
தமிழ்நாடு முழுவதும் 22 மாவட்டங்களில் மழைக்கான வாய்ப்பு இருப்பதாக வானிலை ஆய்வு மையம் அறிவித்துள்ளதால் மக்கள் அதற்கேற்றவாறு தயார் ஆகுமாறு வானிலை ஆய்வு மையம் அறிவுறுத்தியுள்ளது. ஏற்கனவே பல இடங்களில் மழைநீர் சாலைகளில் தேங்கியிருப்பதால் காலையில் பணிக்குச் செல்பவர்கள் மிகுந்த சிரமத்திற்கு ஆளாகியுள்ளனர். மேலும், பள்ளி மற்றும் கல்லூரி செல்லும் மாணவ, மாணவிகளும் சிரமத்திற்கு ஆளாகியுள்ளனர்.
இதுகுறித்து சென்னை மண்டல வானிலை மையம் இயக்குநர் பாலச்சந்திரன் கூறுகையில், "சென்னை , காஞ்சிபுரம் , செங்கல்பட்டு உள்ளிட்ட 10 மாவட்டங்களில் இன்று கனமழை பெய்ய வாய்ப்பு உள்ளது. குறிப்பாக வடகிழக்கு பருவமழையால் இரவு மற்றும் காலை நேரங்களில்தான் கனமழை இருக்கும்" என்றார்.
விழுப்புரம்: நாளை பள்ளி, கல்லூரிகளுக்கு விடுமுறை
விழுப்புரம் மாவட்டத்தில் தொடர் மழை காரணமாக நாளை (15.10.2024) விழுப்புரம் மாவட்டத்தில் உள்ள அனைத்து பள்ளிகளுக்கு மட்டும் விடுமுறை என மாவட்ட ஆட்சித்தலைவர் டாக்டர் சி.பழனி.,இ.ஆ.ப., அவர்கள் அறிவித்துள்ளார்.
விழுப்புரம்: நாளை (15.10.2024) பள்ளிகளுக்கு மட்டும் விடுமுறை
விழுப்புரம் மாவட்டத்தில் தொடர் மழை காரணமாக நாளை (15.10.2024) விழுப்புரம் மாவட்டத்தில் உள்ள அனைத்து பள்ளிகளுக்கு மட்டும் விடுமுறை என மாவட்ட ஆட்சித்தலைவர் சி.பழனி அறிவித்துள்ளார்.
கடலூர் மாவட்ட பள்ளி மற்றும் கல்லூரிகளுக்கு நாளை (15.10.2024) விடுமுறை
வடகிழக்கு பருவமழையை முன்னிட்டு முன்னெச்சரிக்கை நடவடிக்கையாக கடலூர் மாவட்ட பள்ளி மற்றும் கல்லூரிகளுக்கு நாளை (15.10.2024)விடுமுறை அளிக்கப்படுகிறது என மாவட்ட ஆட்சித்தலைவர் சிபி ஆதித்யா செந்தில்குமார் தெரிவித்துள்ளார்.
TN Rain News LIVE: கனமழை முன்னெச்சரிக்கை: கடலூர் மாவட்டத்தில் பள்ளி, கல்லூரிகளுக்கு நாளை விடுமுறை
வடகிழக்கு பருவமழையினை முன்னிட்டு முன்னெச்சரிக்கை நடவடிக்கையாக கடலூர் மாவட்ட பள்ளி மற்றும் கல்லூரிகளுக்கு நாளை (15.10.2024)விடுமுறை அளிக்கப்படுகிறது என மாவட்ட ஆட்சித் தலைவர் திரு.சிபி ஆதித்யா செந்தில்குமார் தெரிவித்துள்ளார்.
TN Rain News LIVE: கனமழை எச்சரிக்கை - உதவி, புகார் எண்கள் அறிவிப்பு - தமிழ்நாடு அரசு
வடகிழக்குப் பெருநகர முன்னிட்டு பருவமழையினை சென்னை மாநகராட்சிக்குட்பட்ட பகுதிகளில் பொதுமக்கள் மழை தொடர்பான புகார்கள் மற்றும் மீட்புப் பணிகள் தொடர்பாக மாநகராட்சியின் 150 இணைப்புகளுடன் கூடிய 1913 என்ற உதவி எண்ணிலும் கட்டுப்பாட்டு அறையில் உள்ள 044 2561 9204, 044 2561 9206 மற்றும் 044 2561 9207 என்ற தொலைபேசி எண்ணிலும் தொடர்பு கொண்டு தெரிவிக்கலாம்.
தலைப்பு செய்திகள்
ட்ரெண்டிங் செய்திகள்
