Covid 19 Mega Camp: ‛இந்த வாரம் மெகா தடுப்பூசி முகாம் இல்லை...’ - அமைச்சர் மா.சுப்பிரமணியன் அறிவிப்பு!
தடுப்பூசி முகாம் வரை காத்திருக்காமல் வார நாட்களில் தடுப்பூசி செலுத்திக் கொள்ள முன்வர வேண்டும் என்றும் அமைச்சர் அறிவுறுத்தியுள்ளார்.
பொங்கலை முன்னிட்டு இந்த வாரம் மெகா கொரோனா தடுப்பூசி முகாம் நடத்தப்படவில்லை என்று மருத்துவத்துறை அமைச்சர் மா.சுப்பிரமணியன் கூறியுள்ளார்.
கொரோனா தொற்றில் இருந்து பாதுகாத்து மக்களுக்கு கொரோனா தடுப்பூசி செலுத்தப்பட்டு வருகிறது. அரசின் சார்பில் வாரத்தில் வியாழன் மற்றும் ஞாயிற்றுக்கிழமைகளில் கொரோனா மெகா தடுப்பூசி முகாம் நடத்தப்பட்டு வருகிறது. இதுவரை 18 வாரங்கள் இந்த முகாம் நடத்தப்பட்டுள்ளது. இதன் மூலம் பல கோடி பேருக்கு தடுப்பூசி செலுத்தப்பட்டுள்ளது.
இந்த நிலையில், பொங்கல் பண்டிகை காரணமாக தமிழ்நாட்டில் இந்த வாரம் மெகா தடுப்பூசி முகாம் நடைபெறாது என்று மருத்துவத்துறை அமைச்சர் மா.சுப்பிரமணியன் தகவல் தெரிவித்துள்ளார். மேலும், தடுப்பூசி முகாம் வரை காத்திருக்காமல் வார நாட்களில் தடுப்பூசி செலுத்திக் கொள்ள முன்வர வேண்டும் என்றும் அமைச்சர் அறிவுறுத்தியுள்ளார்.
முன்னதாக, கொரோனா தொற்று தொடர்பாக சென்னையில் நேற்று மருத்துவத் துறை அமைச்சர் மா.சுப்பிரமணியன் செய்தியாளர்களுக்கு பேட்டியளித்தார். அந்தப் பேட்டியில், “தமிழ்நாட்டில் ஒமிக்ரான் பரிசோதனை நிறுத்தப்பட்டு விட்டது. கொரோனா உறுதி செய்யப்படுவோரில் 85 சதவீதம் பேருக்கு ஒமிக்ரானும், 15 சதவீதம் பேருக்கு டெல்டாதான் வருகிறது. 100 பேருக்கு கொரோனா உறுதியானால் 85 பேருக்கு ஒமிக்ரான் பாதிப்புதான் இருக்கிறது. ஒமிக்ரான் பரிசோதனையின் முடிவுகள் வருவதற்குள் தொற்று பாதித்தோர் குணமடைந்து விடுகின்றனர். இதனால், மரபணு சோதனை கைவிடப்பட்டது. டெல்டாவும் ஒமிக்ரானும் இணைந்து இந்தியாவில் மிக வேகமாக பரவி வருகிறது. பாதிக்கப்பட்டவர்களில் பெரும்பாலானோருக்கு மிதமான பாதிப்பு இருப்பதால் வீட்டுத்தனிமையில் உள்ளனர்” என்று கூறியிருந்தார்.
மேலும், மெகா கொரோனா தடுப்பூசி முகாமை இந்த வாரத்துக்கு பதில் அடுத்த வாரத்துக்கு ஒத்திவைக்க ஆலோசனை செய்து வருவதாகவும், அரசு ஊழியர்களுக்கும் பொங்கல் விடுமுறை என்பதால் அடுத்தவாரம் முகாமை நடத்த திட்டமிடப்பட்டுள்ளதாகவும் அமைச்சர் மா.சுப்பிரமணியன் கூறினார்.
மேலும், இப்போதைக்கு முழு ஊரடங்கு தேவையில்லை என்றும், பொருளாதாரம் பாதிக்கப்படக்கூடாது என்று முதலமைச்சர் வலியுறுத்தியுள்ளதாக கூறிய அமைச்சர், தற்போதுள்ள ஊரடங்கே போதுமானது என்றும் கூறினார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Check out below Health Tools-
Calculate Your Body Mass Index ( BMI )
தலைப்பு செய்திகள்
ட்ரெண்டிங் செய்திகள்
