Sangeetha Re-entry: 49 வயதில் அடுத்த ரவுண்டுக்கு தயாரான நடிகை சங்கீதா; 25-ஆண்டுகளுக்கு பின் நடிக்கும் தமிழ் படம் எது தெரியுமா?

பூவே உனக்கான படத்தின் மூலமாக பிரபலமான நடிகை சங்கீதா 25 ஆண்டுகளுக்கு பிறகு மீண்டும் சினிமாவிற்கு கம்பேக் கொடுத்துள்ளார்.

மீண்டும் கம் பேக் கொடுக்கும் நடிகை சங்கீதா

Source : twitter

கேரளாவில் பிறந்து வளர்ந்தவர் நடிகை சங்கீதா. 1978 ஆம் ஆண்டு திரைக்கு வந்த சினேகிக்கன் ஒரு பெண்ணு என்ற படம் மூலமாக குழந்தை நட்சத்திரமாக சினிமாவில் அறிமுகமானார். மலையாளம் மட்டுமின்றி ஹிந்தி, தெலுங்கு, கன்னடம் ஆகிய மொழிகளிலும் குழந்தை நட்சத்திரமாக நடித்தார். தமிழில் நாட்டுக்கு ஒரு நல்லவன் என்ற படத்தில் குழந்தை நட்சத்திரமாக அறிமுகமானார். சினிமாவில் ஹீரோயினாக நடிப்பதற்கு முன்னதாகவே பல படங்களில் குழந்தை நட்சத்திரமாகவே நடித்து அதிகளவில் பிரபலமானார்.

அதன் பிறகு தான் நாங்கள், சாமுண்டி, தாலாட்டு, கேப்டன் மகள், மகாநதி, ராவணன், சரிகமபதனி, எல்லாமே என் ராசாதான், சீதனம், அம்மன் கோவில் வாசலிலே, வள்ளல், கங்கா கௌரி, காலம் மாறி போச்சு, வெற்றி விநாயகர் என்று ஏராளமான படங்களில் நடித்தார். ஆனால், 1996 ஆம் ஆண்டு திரைக்கு வந்த பூவே உனக்காக படம் தான் சங்கீதாவை பிரபலமாக்கியதோடு நல்லவொரு அடையாளத்தையும் கொடுத்தது. இந்தப் படத்திற்கு பிறகு சினிமாவில் உச்ச நட்சத்திரமாக வலம் வருவார் என்று எதிர்பார்க்கப்பட்டது.

ஆனால், அவர் சிம்புவின் சிலம்பாட்டம் படத்தை இயக்கிய இயக்குநர் சரவணனை 2000 ஆம் ஆண்டு திருமணம் செய்து கொண்டார். சரவணன் ஒளிப்பதிவாளராகவும் இருந்துள்ளார். திருமணத்துக்குப்பின், சினிமாவில் இருந்து சங்கீதா விலகியிருந்தார். 2002 ஆம் ஆண்டு இவர்களுக்கு சாய் - தேஜஸ்வதி என்ற மகள் பபிறந்தனர். பின்னர் 2014-ம் ஆண்டு திரைக்கு வந்த மலையாள படமான 'நகர வருதி நடுவில் நியான்' என்ற படம் மூலமாக மீண்டும் நடிக்க வந்தார். எனினும், இந்தப் படத்திற்கு பிறகு அவர் மற்ற படங்களில் நடிக்கவில்லை.

2023 ஆம் ஆண்டு திரைக்கு வந்த சாவர் (Chaaver) என்ற மலையாள படத்தின் மூலமாக மீண்டும் கம்பேக் கொடுத்தார். இதையடுத்து Parakramam, Anand Sreebala ஆகிய படங்களில் நடித்தார். தற்போது Hridayapoorvam என்ற மலையாள படத்திலும், காளிதாஸ் 2 என்ற தமிழ் படத்திலும் நடித்து வருகிறார். தமிழ் சினிமாவில் 2000 ஆம் ஆண்டு திரைக்கு வந்த கண் திறந்து பாரம்மா என்ற படத்தில் கடைசியாக நடித்திருந்தார். இந்த நிலையில் தான் 25 ஆண்டுகளுக்கு பிறகு மீண்டும் நடிக்க வந்துள்ளார். தற்போது 49 வயதாகும் சங்கீதா காளிதாஸ் 2 படம் மூலமாக தமிழ் சினிமாவிற்கு திரும்ப வந்துள்ளார். இந்தப் படத்தில் பரத் ஹீரோவாக நடிக்கிறார். இயக்குநர் ஸ்ரீ செந்தில் இயக்கத்தில் உருவாகி வரும் இந்தப் படத்தில் ஜிவி பிரகாஷின் தங்கை பவானி ஸ்ரீ ஹிரோயினாக நடிக்கிறார். இவர்களுடன் சங்கீதாவும் முக்கிய ரோலில் நடிக்கிறார். இந்தப் படம் நல்ல வரவேற்பு கொடுத்தார் தமிழ் சினிமாவில் அடுத்தடுத்த படங்களில் நடிப்பார் என்று எதிர்பார்க்கப்படுகிறது.