Morning Headlines: 5ம் கட்ட வாக்குப்பதிவு - ஓயும் பரப்புரை; அரவணை பாயாச டின்களை அழிக்க உத்தரவு.. முக்கியச் செய்திகள்..

Morning Headlines May 18: இந்தியாவில் இதுவரை நடந்த முக்கிய நிகழ்வுகளை இங்கே தலைப்புச் செய்திகளின் தொகுப்பாக காணலாம். முக்கியமான 5 செய்திகளின் லிங்க்ஸ் கீழே கொடுக்கப்பட்டுள்ளன.

இன்றைய முக்கிய செய்திகள்

• ஹரியானாவில் பக்தர்கள் பயணித்த பேருந்தில் தீ விபத்து - 8 பேர் உயிரிழப்பு..!

ஹரியானா மாநிலம் நூஹ் என்ற இடத்தில் சுற்றுலா பேருந்து தீப்பிடித்து எரிந்ததில் 8 பக்தர்கள் உடல் கருதி உயிரிழந்தனர். இந்த விபத்தில் உயிரிழந்தவர்களில் பெரும்பாலானோர் பஞ்சாப் மற்றும் சண்டிகரை சேர்ந்தவர்கள் என்று கூறப்படுகிறது.  உத்தரப்பிரதேச மாநிலம் மதுராவில் இருந்து ஹரியானா சென்ற 60 சுற்றுலா பயணிகள் கொண்ட சுற்றுலா பேருந்து தீப்பிடித்து எரிந்தது. எதிர்பாராத இந்த பேருந்து தீப்பிடித்ததில் காயமடைந்த பலர் மீட்கப்பட்டு நல்ஹாத் மருத்துவக் கல்லூரி மருத்துவமனைக்கு அனுப்பி வைக்கப்பட்டனர். 

• 5ம் கட்ட வாக்குப்பதிவு - இன்றுடன் ஓய்கிறது தேர்தல் பரப்புரை; 49 தொகுதிகளை முற்றுகையிடும் தலைவர்கள்

நாடாளுமன்ற மக்களவை தேர்தலின் ஐந்தாம் கட்டத்தில், 8 மாநிலங்கள் மற்றும் யூனியன் பிரதேசங்களைச் சேர்ந்த 49 தொகுதிகளில் வாக்குப்பதிவு நடைபெற உள்ளது. நாடாளுமன்ற மக்களவை தேர்தலில் நான்கு கட்ட வாக்குப்பதிவு நிறைவடைந்துள்ளது. இதனால், மொத்தமுள்ள 543 மக்களவைத் தொகுதிகளில் 379 தொகுதிகளுக்கு வாக்குப்பதிவு நிறைவடைந்துள்ளது. முதல் மூன்று கட்ட வாக்குப்பதிவுகள் முறையே 66.14 சதவீதம், 66.71 சதவீதம் மற்றும் 65.68 சதவிகித வாக்குகள் பதிவாகியுள்ளன. நான்காம் கட்ட வாக்குப்பதிவில் சுமார் 64 சதவிகித வாக்குகள் பதிவாகியுள்ளதாக தரவுகள் தெரிவிக்கின்றன. இந்நிலையில், ஐந்தாம் கட்ட வாக்குப்பதிவு நாளை மறுநாள் நடைபெற உள்ளது.

• வீட்டில் இருந்து விரட்டப்பட்டாரா மோடி? தீயாய் பரவும் செய்தி உண்மையா?

சமீபத்தில், செய்தி ஒன்று சமூக வலைதளத்தில் வைரலானது. Amar Ujala செய்தி நிறுவனத்தின் துண்டு செய்தியில் பிரதமர் மோடியின் சகோதரர் பிரகலாத் மோடி பேசியதாக சில தகவல்கள் மேற்கொள் காட்டப்பட்டிருந்தது. அதில், "துறவியாவதற்காக அவர் வீட்டில் இருந்து வெளியேறவில்லை. நகைகளை திருடியதற்காக வீட்டை விட்டு வெளியேற்றப்பட்டவர்தான் நரேந்திர மோடி" என மோடியின் சகோதரர் கூறியதாக குறிப்பிடப்பட்டிருந்தது. இந்த செய்தியானது உண்மையானதா என்பதை கண்டறிய நம்முடைய எண்ணுக்கு 9049053770 அனுப்பப்பட்டது.

• கெஜ்ரிவால், ஆம் ஆத்மி கட்சி மீது அமலாக்கத்துறை கூடுதல் குற்றப்பத்திரிகை தாக்கல்; இதுவே முதல்முறை!

டெல்லி உயர்நீதிமன்றத்தில், மதுபான கொள்கை முறைகேடு வழக்கில் டெல்லி முதலமைச்சர் அரவிந்த் கெஜ்ரிவால் மற்றும் ஆம் ஆத்மி கட்சி மீது அமலாக்கத்துறை கூடுதல் குற்றப்பத்திரிகை தாக்கல் செய்தது. ஒரு அரசியல் கட்சியின் மீது குற்றப்பத்திரிகை தாக்கல் செய்யப்படுவது, இதுவே முதல் முறை என்று தகவல் தெரிவிக்கின்றன. டெல்லி மதுபான கொள்கை முறைகேடு தொடர்பாக, கடந்த மார்ச் மாதம்  டெல்லி முதலமைச்சர் அரவிந்த் கெஜ்ரிவாலை அமலாக்கத்துறை கைது செய்தது. இதையடுத்து, மார்ச் மாதம் 21ஆம் தேதி: திகார் சிறையில் கெஜ்ரிவால் அடைக்கப்பட்டார். பின்னர் கெஜ்ரிவால் காவலை நீட்டித்து டெல்லி நீதிமன்றம் உத்தரவிட்டது.

• பக்தர்கள் மனசு புண்படக்கூடாது : ரூ.6.65 லட்சம் அரவணை பாயாச டின்களை அழிக்க உத்தரவு

ரூ.5 கோடி மதிப்புள்ள அரவணை பாயாம் அழிக்கப்படுவதற்கான டெண்டர் அறிவிப்பை திருவிதாங்கூர் தேவசம் போர்டு (Travancore Devaswom Board) வெளியிட்டுள்ளது. சபரிமலை ஐயப்பன் கோயிலில் பக்தர்களுக்கு அரவணை பாயாசம்  விற்பனை செய்யப்பட்டு வருகிறது.  இதில், அரிசி, சர்க்கரை, பழம், நெய், ஏலக்காய் மற்றும் சீரகம் உள்ளிட்டவை சேர்க்கப்படுகின்றன. சபரிமலை பக்தர்கள் மத்தியில் இது மிகவும் பிரபலமாகும். கோயிலில் வழங்கப்படும் அரவணை பாயசத்தில் சேர்க்கப்படும் ஏலக்காயில் பூச்சுக்கொல்லி பயன்படுத்தப்பட்டது தெரியவந்தது. ஏலக்காய் விளைச்சலில் பூச்சிக் கொல்லி மருந்து பயன்படுத்துவதால் உடல்நலம் பாதிக்கப்படும் இந்திய உணவு பாதுகாப்பு மற்றும் தர நிர்ணய ஆணையம் ஆய்வு செய்து தெரிவித்தது.