7 AM Headlines: நிகழ்வுகளை நிமிடத்தில் அறிய.. ஏபிபியின் தலைப்பு செய்திகள் இதோ..!

Headlines Today: கடந்த 24 மணிநேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.

இன்றைய தலைப்பு செய்திகள்

தமிழ்நாடு: 

• தமிழ்நாடு முழுவதும் 29 சுங்கச்சாவடிகளில் கட்டணம் உயர்வு: அத்தியாவசிய பொருட்கள் விலை கடுமையாக உயரும்
• கலாஷேத்ரா மாணவிகளுக்கு பாலியல் தொல்லை: தவறு செய்தவர்கள் மீது சட்டப்படி நடவடிக்கை: முதலமைச்சர் முக ஸ்டாலின் 
• எம்.எல்.ஏக்கள் தொகுதி மேம்பாட்டு நிதியிலிருந்து நிதி வழங்கினால் அனைத்து தொகுதியிலும் மருத்துவமனைக்கு புதிய கட்டிடங்கள் : அமைச்சர் மா. சுப்பிரமணியன் தகவல்
• என்னும், எழுத்தும் திட்டத்தை 4,5ம் வகுப்புகளுக்கு விரிவுபடுத்த ரூ.110 கோடி நிதி ஒதுக்கீடு- அமைச்சர் அன்பில் மகேஷ்
• அதிமுகவில் நடக்கும் மியூசிக்கல் சேர் போட்டியில் ராமயணத்தின் வாலியை போல எடப்பாடி பழனிசாமி வெற்றி பெற்றுள்ளார் - டிடிவி தினகரன்
• கொரோனா பரவல் அதிகரித்துள்ளதால் தமிழ்நாட்டில் உள்ள அரசு மருத்துவமனைகளில், இன்று முதல் மீண்டும் மாஸ்க் கட்டாயமாக்கப்பட்டுள்ளது.
• காவல்துறை செயலிழந்து திமுகவின் ஒரு அங்கமான செயல்படுகிறது - சி.வி. சண்முகம் குற்றச்சாட்டு
• ஆவின் பால் தட்டுப்பாடின்றி கிடைப்பதை உறுதி செய்ய வேண்டும் என்று ராமதாஸ் கேட்டுக்கொண்டுள்ளார்.
• தமிழ்நாட்டில் அடுத்த 4 நாட்களுக்கு இடி மின்னலுடன் கூடிய மிதமான மழைக்கு வாய்ப்பு என வானிலை ஆய்வு மையம் தெரிவித்துள்ளது.
• தமிழ்நாட்டில் வடமாநில தொழிலாளர் தாக்கப்படுவதாக தவறான வீடியோ பதிவு செய்த பீகார் யூடியூபர் மணீஷ் காஷ்யப்பிற்கு வரும் - 3 தேதி வரை போலீஸ் காவலில் விசாரணை செய்ய அனுமதி.

இந்தியா:

• மத்திய பிரதேசத்தில் உள்ள குனோ தேசிய பூங்காவில் விடப்பட்ட சிவிங்கி புலியானது 4 குட்டிகளை ஈன்றது.
• பிரதமர் மோடியின் கல்வித் தகுதியைத் தெரிவிக்குமாறு தகவல் அறியும் உரிமைச் சட்டத்தின் கீழ் கோரியிருந்த டெல்லி முதல்வர் அரவிந்த் கெஜ்ரிவாலுக்கு குஜராத் நீதிமன்றம் ரூ.25 ஆயிரம் அபராதம் விதித்துள்ளது. 
• பிரதமர் மோடி 9ம் தேதி தமிழ்நாட்டில் உள்ள முதுமலைக்கு வருகை தர உள்ளார். அங்கு ஆஸ்கர் வென்ற ஆவண குறும்படத்தின் கதாபாத்திரங்களான பொம்மன், பெள்ளியை நேரில் சந்திக்கிறார்.
• திரிபுரா மாநிலத்தில் பா.ஜ.க. எம்.எல்.ஏ. சட்டசபை விவாதம் நடைபெற்றுக் கொண்டிருந்தபோதே செல்போனில் ஆபாச படம் பார்த்த சம்பவம் பெரும் அதிர்ச்சியை ஏற்படுத்தியுள்ளது.
• மத்திய பிரதேசம், இந்தூரில் உள்ள கோயிலில் நடைபெற்ற விபத்தில் உயிரிழந்தவர்களின் எண்ணிக்கை 35 ஆக அதிகரித்துள்ளது.
• கடற்சார் செயல்பாடுகளில் முக்கியப் பங்கு வகித்தவர்களை கொண்டாடும் வகையில் ஒருவார கால தேசிய கடல்சார் தின கொண்டாட்டங்கள் புதுதில்லியில் தொடங்கியது.

உலகம்:

• அமெரிக்காவுக்குள் சட்டவிரோதமாக நுழைய முயன்ற இந்தியர்கள் உள்பட 6 பேர் ஆற்றில் மூழ்கி உயிரிழந்தனர்.
• பாகிஸ்தான்: இலவச ரேஷன் பொருட்களை வாங்க குவிந்த மக்கள் - கூட்ட நெரிசலில் சிக்கி 11 பேர் உயிரிழப்பு
• போப் பிரான்சிஸ் விரைவில் குணமடைய வேண்டும் என்று பிரதமர் மோடி தெரிவித்து உள்ளார்.
• நிறுவனங்களுக்கான வெரிஃபைட் கணக்குகளுக்கு வசூலிக்கப்பட உள்ள கட்டண விவரத்தை டிவிட்டர் நிறுவனம் வெளியிட்டுள்ளது.
• டொனால்ட் டிரம்ப் மீது நியூயார்க் கிராண்ட் ஜூரி குற்றம் சாட்டிய நிலையில் கிரிமினல் குற்றச்சாட்டுகளை எதிர்கொள்ளும் முதல் முன்னாள் அமெரிக்க ஜனாதிபதியாக மாறியுள்ளார்.

விளையாட்டு:

• ஐபிஎல் 16வது சீசன் முதல் போட்டியில் சென்னை சூப்பர் கிங்ஸ் அணியை வீழ்த்தி குஜராத் டைட்டன்ஸ் அபார வெற்றிபெற்றது.
• மியாமி ஓபன் டென்னிஸ்: அல்காரஸ், கச்சனோவ் அரைஇறுதிக்கு முன்னேற்றம்
• ஸ்பெயின் மாஸ்டர்ஸ் பேட்மிண்டன்: இந்திய வீராங்கனை பி.வி.சிந்து அரைஇறுதிக்கு தகுதி
• ஐஐடி‌ மெட்ராஸ்‌ ஐபிஎல்‌ கிரிக்கெட்‌ போட்டிகள்‌ பற்றிய தரவு அறிவியல்‌ போட்டியைத்‌ தொடங்கியுள்ளது. இதில் வெல்வோருக்கு சிறப்புப் பரிசுகள் வழங்கப்படும் என்று தெரிவிக்கப்பட்டுள்ளது.