Rathnam Box Office : பலன் கிடைச்சுதா...ரத்னம் படத்தின் முதல் நாள் பாக்ஸ் ஆஃபிஸ் கலெக்‌ஷன்

விஷால் நடித்துள்ள ரத்னம் படத்தின் முதல் நாள் வசூல் நிலவரத்தைப் பார்க்கலாம்

ரத்னம். (Image source: Twitter)

ரத்னம்

ஹரி இயக்கத்தில் விஷால் , பிரியா பவானி சங்கர் நடித்துள்ள ரத்னம் படம் நேற்று ஏப்ரல் 226 ஆம் தேதி வெளியானது. சமுத்திரகனி , யோகி பாபு உள்ளிட்டவர்கள் இப்படத்தில் துணைக் கதாபாத்திரத்தில் நடித்துள்ளார்கள். தேவி ஸ்ரீ பிரசாத் இந்தப் படத்திற்கு இசையமைத்துள்ளார். ஸ்டோன்பெஞ்ச் ஸ்டுடியோஸ் இந்தப் படத்தை தயாரித்துள்ளது. 

ரத்னம் படத்திற்கு எழுந்த சவால்கள்

ஒரு காலத்தில் ஹரி இயக்குநர் ஹரி படங்கள் என்றாலே ரசிகர்கள் திரையரங்கத்தை நோக்கி படையெடுப்பார்கள். ஆனால் சமீப காலங்களில் ஹரி இயக்கிய படங்கள் பெரியளவில் ரசிகர்களை கவரவில்லை. ஹரி இயக்கத்தில் விஷால் நடித்த தாமிரபரணி மற்றும் பூஜை ஆகிய இரண்டு படங்களும் வெற்றிபெற்றன என்றாலும் ரத்னம் படத்திற்கு ரசிகர்களிடையே பெரியளவிலான எதிர்பார்ப்புகள் இல்லாமல் இருந்தது. 

இது தவிர்த்து ரத்னம் படம் வெளியாகும் கடைசிவரை திரையரங்கத்தில் முன்பதிவுகள் தொடங்காமல் இருந்ததும் திருச்சி மற்றும் தஞ்சாவூர் பகுதிகளில் படத்தை வெளியிடுவதற்கு சர்ச்சை ஏற்பட்டது. நடிகர்  விஷால் தனக்கு பணம் தரவேண்டும் என்று கூறி நபர் ஒருவர் அளித்த கடிதத்தின் பெரில் இந்தப் படத்தை வெளியிட திரையரங்க உரிமையாளர்கள் தயக்கம் காட்டி வந்தார்கள். தான் யாருக்கும் பணம் கொடுக்க வேண்டியது இல்லை என்று இது கட்ட பஞ்சாயத்து செய்யும் வேலை என்றும் கூறி நடிகர் விஷால் ஆடியோ வெளியிட்டிருந்தார். இப்படி பல்வேறு சவால்களை கடந்து திரையரங்கில் வெளியான ரத்னம் படம் கலவையான விமர்சனங்களையே பெற்றுள்ளது.

ரத்னம் படம் முதல் நாள் வசூல்

 

தமிழகம் முழுவதிலும் 500க்கும் மேற்பட்ட திரையரங்கில் வெளியான ரத்னம் படம் முதல் நாளில் 2.30 கோடி வசூலித்துள்ளதாக சாக்னிக் தளம் தகவல் வெளியிட்டுள்ளது. படம் நன்றாக இருக்கிறதா இல்லையா என்கிற ரசிகர்களின் கருத்துக்களைப் பொறுத்தே அடுத்த இரண்டு நாட்களில் இப்படத்தின் வசூல் தீர்மானிக்கப்படும் என்று கூறப்படுகிறது.

Summer holidays working wonders for #Rathnam 🔥

Starring Puratchi Thalapathy @VishalKOfficial.
A @ThisisDSP musical.

A film by #Hari. @stonebenchers @ZeeStudiosSouth pic.twitter.com/NM5U8KLUHr

— Ramesh Bala (@rameshlaus) April 27, 2024

கோடை விடுமுறை என்பதும் திரையரங்கில் அதிகளவில் புதுப்படங்கள் வெளியாகாத காரணத்தினாலும் ரத்னம் படத்திற்கு ரசிகர்களின் வரத்து அதிகரித்துள்ளதாக சினிமா ஆர்வலர்கள் தெரிவித்துள்ளார்கள் .

---

மேலும் படிக்க : Rathnam Movie Review: விறுவிறுப்பாக கெட் அப்பை மாற்றிய விஷால்; தாமிரபரணி அளவு வொர்த்தா? ரத்னம் படத்தின் விமர்சனம்!