Pradeep Kumar: மாயநதி இங்கு.... தலைக்கோதும் இளங்காத்து... மாயக்குரலுக்கு சொந்தக்காரர் பிரதீப் குமார்...!

இன்று பாடகர் மற்றும் இசையமைபாளர் பிரதீப் குமாரின் பிறந்தநாள். பிரதீப் குமாரின் சில தொடக்ககாலப் பாடல்களைப் பார்ப்போம்

பிரதீப் குமார்.image source: twitter

பாடகர், இசையமைப்பளரான பிரதீப் குமார் தனது 37வது பிறந்த நாளை இன்று கொண்டாடுகிறார். 

 எல்லாருக்கும் ஒரு ரகசியப் பாடல் இருக்கும். எல்லாருக்கும் ஒரு ரகசிய இசையமைப்பாளர். அதேபோல் எல்லாருக்கும் ஒரு ரகசியப் பாடகர் இருப்பார். இன்று அனைவராலும் அனைவருக்கும் சொந்தமான பிரதீப் குமார் ஒருகாலத்தில் நிறைய பேருக்கு ரகசியப் பாடகராக இருந்திருக்கிறார். முதல் முறையிலேயே சில பாடல்கள் நம் மனதில் இனம் புரியாத ஒரு உணர்வை ஏற்படுத்தும் இல்லையா. அந்தப் பாடல் பிடிக்கிறதா இல்லையா என்றுகூட நமக்கு அப்போது சொல்லத் தெரியாது. பிரதீப் குமார் என்கிறப் பெயர் பிரபலமாவதற்கு முன்பே அவர் பாடல்கள் நமக்கு பிடித்திருக்கின்றன. அந்தமாதிரியான பாடல்களின் ஒரு சின்ன பட்டியல்.

ஆசை ஒரு புல்வேளி (அட்டக்கத்தி)

2012 ஆம் ஆண்டு வெளிவந்த அட்டக்கத்தி திரைப்படத்தில் இடம்பெற்ற ஆசை ஒரு புல்வேளி பாடல் இன்று நம் அனைவரின் ஆல் டைம் ஃபேவரேட் பாடலாக இருக்கிறது. ஆனால இந்தப் பாடல் வெளியான சமயத்தில் பிரதீப் குமார் என்கிற பெயரை யாரும் அறிந்திருக்கவில்லை. காதல் உணர்வு ஒருவருக்கு ஏற்படும்போது அவர் மனதில் பட்டாம்பூச்சி பறக்கும் என்று சொல்கிறோம் இல்லையா. இந்த பட்டாம்பூச்சிகள் நம்மை எத்தனை அலைகளிக்கச் செய்கின்றன. கால் ஓரிடத்தின் நிற்க முடியாமல் மூச்சின் வேகம் கூடி தவித்து நிற்கிறோம். கிட்டதட்ட இந்த மாதிரியான ஒரு காதல் அரும்பும் தருணத்தில் தினேஷ் நிற்கும்போது காதலை ஒரு தியானம் போல் நிதானமாக உணரவைக்கும் பிரதீப் குமாரின் குரல். அதே அட்டகத்தி படத்தில் சொற்ப நேரம் வந்துவிட்டுப் போகும்  வழி பார்த்திருப்பேன் பாடலையும் பிரதீப் பாடியிருப்பார்.

கோடையில மழபோல

குக்கூ படத்தின் இடம்பெறும் கோடையில மழபோல் போல பாடலில் முன்னணியில் வைகம் விஜயலக்‌ஷ்மி பாடியிருப்பார். ஆனால் இடையில்

”உருவெது வடிவெதுவோ கொண்ட உறவுகள் உனர்ந்துத் தொட

இருள் எது ஒளி எதுவோ இரண்டு இருதயம் கலந்துவிட”

என்று வெறும் இரண்டு வரிகளை மட்டுமே பாடிவிட்டுப் போகும் பிரதீப்பின் குரலுக்காக மட்டுமே இந்தப் பாட்டை ரிபீட்டில் கேட்பவர்கள் இருக்கிறார்கள்.

மோகத்திரை

சந்தோஷ் நாராயணன் தனது இசையில் பிரதீப் குமாரைத் தொடர்ச்சியாக பயன்படுத்தி வந்தார்.

பீட்சா படத்தில் மோகத்திரைப் பாடல் அதுவரை இருந்த காதல் பாடல்களில் வெளிபட்ட குரல்களை விட தனித்துவமான ஒரு குரலாக பிரதீப்  குமாரை அடையாளம் காட்டியது என்று சொல்லலாம்

ஆகாயம் தீப்பிடிச்சா (மெட்ராஸ்)

பிரதீப் வேவ் என்கிற ஒன்று தொடங்கியது இந்தப் பாடலில் இருந்து சொல்லலாம். அனைவரின் வாயிலிருந்தும் ஒரே பெயர் தான் உச்சரிக்கப் பட்டது. யார் இந்த பிரதீப் குமார் என்று கூகுளில் மக்கள் தேடத் தொடங்கினார்கள். அதற்கு அடுத்து நடந்தது எல்லாம் வரலாறு…

இன்று பிரதீப் குமார் பாடிய பாடல்கள் ஒவ்வொன்றும் ஒன்றை மிஞ்சக் கூடியவை. இதுதான் சிறந்தது என எதையும் நாம் பிரித்து பார்க்க முடியாது. எத்தனை பாடலாக இருந்தாலும் குரலுக்கு சொந்தமானது ஒரு பெயர்தான். அந்த பெயருக்கு இன்று பிறந்தநாள். இனிய பிறந்தநாள் வாழ்த்துக்கள் பிரதீப் குமார்.