Renault Duster: ஒரு வழியா தேதி சொல்லிட்டாங்க..! மார்ச் 17 முதல் டஸ்டர் - டெலிவெரி எப்போது? ரெனால்ட் அறிவிப்பு

Renault Duster: டஸ்டர் கார் மாடல் வரும் மார்ச் 17ம் தேதி முதல், ஷோரூம்களில் டிஸ்பிளே மற்றும் டெஸ்ட் ட்ரைவிற்காக கிடைக்கும் என ரெனால்ட் நிறுவனம் அறிவித்துள்ளது.

ஆட்டோமொபைல் செய்திகள்

Source : social media/x

Renault Duster: டஸ்டர் கார் மாடல் விநியோகம் ஏப்ரல் மாதம் தொடங்கும் என ரெனால்ட் நிறுவனம் தரப்பில் அறிவிக்கப்பட்டுள்ளது.

ரெனால்ட் டஸ்டர் எஸ்யுவி - மார்ச்.17

இந்திய ஆட்டோமொபைல் சந்தையில் மூன்றாவது தலைமுறை டஸ்டர் கார் மாடல், வரும் மார்ச் 17ம் தேதி முதல் அதிகாரப்பூர்வமாக சந்தைப்படுத்தப்படும் என அறிவிக்கப்பட்டுள்ளது. கடந்த 2022ம் ஆண்டு உள்நாட்டு சந்தையில் விற்பனை பட்டியலில் இருந்து நீக்கப்பட்ட மிட்-சைஸ் எஸ்யுவியின் புதிய எடிஷனானது, கடந்த ஜனவரி மாதம் 26ம் தேதி முதல்முறையாக வெளியிடப்பட்டது. இந்த டஸ்டர் கார் மாடலை தொடர்ந்து, சர்வதேச சந்தையில் அதிகம் விற்பனையாகும் தனது கார் மாடல்களை இந்தியாவிற்குள் கொண்டு வர ரெனால்ட் நிறுவனம் திட்டமிட்டுள்ளது. அதன்படி, 17ம் தேதி முதல் ஷோரூம்களில் காட்சிப்படுத்தப்படுவதோடு, விருப்பமுள்ள பயனர்கள் டெஸ்ட் ட்ரைவிங்கையும் மேற்கொள்ளலாம் என தெரிவிக்கப்பட்டுள்ளது.

ரெனால்ட் டஸ்டர் விநியோகம் எப்போது? விலை?

காருக்கான முன்பதிவு ஏற்கனவே தொடங்கியுள்ள நிலையில், விருப்பமுள்ள நபர்கள் ரூ.21 ஆயிரத்தை முன்தொகையாக செலுத்தி, காரை பதிவு செய்துகொள்ளலாம். நிறுவனத்தின் அதிகாரப்பூர்வ தளம் வாயிலாகவும் மற்றும் நேரடியால டீலர்ஷிப் அலுவலகங்களை அணுகியும், பயனர்கள் முன்பதிவு செய்துகொள்ளலாம். அவர்களுக்கான விநியோகம் ஏப்ரல் மாதம் தொடங்கும் என அறிவிக்கப்பட்டுள்ளது. 10 முதல் 20 லட்சம் ரூபாய் வரையில் விலை நிர்ணயம் செய்யப்படலாம் என கூறப்படும் நிலையில், உள்ளூர் சந்தையில் ஹுண்டாய் க்ரேட்டா,  டாடா சியாரா, கியா செல்டோஸ், ஸ்கோடா குஷக் மற்றும் ஹோண்டா எலிவேட் ஆகிய மாடல்களுடன் போட்டியிடுகிறது.

ரெனால்ட் டஸ்டர் - ஹைப்ரிட் இன்ஜின் எப்போது?

இந்திய சந்தையில் ரெனால்ட் டஸ்டர் கார் மாடலானது, இரண்டு டர்போ - பெட்ரோல் இன்ஜின் ஆப்ஷன்கள் மற்றும் ஒரு வலுவான ஹைப்ரிட் பவர்ட்ரெயின் ஆப்ஷனுடன் சந்தைப்படுத்தப்பட உள்ளது. அதில் டர்போ ஆப்ஷன்களானது கைகரில் உள்ள 1.0 லிட்டர் மற்றும் செக்மெண்டின் சிறந்த தேர்வாக உள்ள 1.3 லிட்டர் அடங்கும்.  இரண்டிலுமே 6 ஸ்பீட் மேனுவல்  ட்ரான்ஸ்மிஷன் ஆப்ஷன் வழங்கப்பட உள்ள நிலையில், கூடுதலாக இரண்டிலும் 6 ஸ்பீட் DCT ஆப்ஷனும் இடம்பெற உள்ளதாம். 109hp அளவிலான ஆற்றலை உற்பத்தி செய்யக்கூடிய வலுவான, 1.8 லிட்டர் ஹைப்ரிட் பெட்ரோல் இன்ஜினை கொண்ட டஸ்டர் எடிஷன், நடப்பாண்டின் தீபாவளி வாக்கில் சந்தைப்படுத்தப்பட உள்ளதாம். அதில் 49hp மின்சார மோட்டார், 20hp ஹப்ரிட் ஸ்டஅர்டர் ஜெனரேட்டர் மற்றும் 1.4KWh பேட்டரி கலவை இடம்பெற்று, ஒட்டுமொத்தமாக, 160hp ஆற்றலை உற்பத்தி செய்ய உள்ளது.

ரெனால்ட் டஸ்டர் - புதுவித டிசைன்

இந்திய சந்தைக்கான டஸ்டரானது சர்வதேச மாடலின் சில்-ஹவுட்டை அப்பைடியே தக்கவைத்துக் கொண்டாலும், உள்ளூர் சந்தைக்கான சில தனித்துவமான டச்களையும் கொண்டுள்ளது. முன்பகுதியில் கண் புருவம் மாதிரியான எல்இடி பகல் நேரங்களில் ஒளிரும் விளக்குகள் இடம்பெற அதுவே டர்ன் இண்டிகேட்டர்களாகவும் செயல்படுகிறது. ரெனால்ட் லோகோ இல்லாமால் டஸ்டர் என்ற பெயர் பொறிக்கப்பட்ட க்ரில், சுற்றிலும் சில்வர் பம்பர் மற்றும் பிக்சல் வடிவிலான ஃபாக் லேம்புகள் வழங்கப்பட்டுள்ளன. கருப்பு நிற பாடி க்ளாடிங், C-பில்லர் ரியர் டோர் ஹேண்டில்கள், 50 கிலோ வரையிலான எடையை தாங்கக் கூடிய ரூஃப் ரெயில், 18 இன்ச் வரையிலான அலாய் வீல்கள், 212 மில்லி மீட்டர் க்ரவுண்ட் க்ளியரன்ஸ் ஆகியவையும் இடம்பெற்றுள்ளன. பின்பகுதியில் கனெக்டட் எல்இடி லைட்பார், ரூஃப் மவுண்டட் ஸ்பாய்லர், சில்வர் அக்செண்ட்களுடன் கூடிய ப்ளாக் பம்பர் வழங்கப்பட்டுள்ளன.

ரெனால்ட் டஸ்டர் - கொட்டிக் கிடக்கும் வசதிகள்

சர்வதேச சந்தைக்கான டஸ்டர் உடன் ஒப்பிடுகையில், இந்திய சந்தைக்கான டஸ்டரானது முற்றிலும் மறுவடிவமைப்பு செய்யப்பட்ட டேஷ்போர்டை கொண்டுள்ளது. இரட்டை  ஸ்க்ரீன் செட்-அப், சில்வர் ஆக்செண்ட்ஸ் மற்றும் நேர் எதிரான பச்சை வண்ண ஸ்டிட்சிங் வழங்கப்பட்டுள்ளன. அதேநேரம், பிரதானமான செயல்பாடுகளுக்கான பிஷிகல் பட்டன்கள் அப்படியே தொடர்கிறது. கூடுதலாக கப் ஹோல்டர்களுடன் கூடிய ஸ்லைடிங் முன் மற்றும் பின்புற ஆர்ம்ரெஸ்ட்களை கொண்டுள்ளது.

ஆண்ட்ராய்ட் ஆட்டோ மற்றும் ஆப்பிள் கார்பிளே, பனோரமிக் சன்ரூஃப், வயர்லெஸ் சார்ஜர், டூயல் ஜோன் க்ளைமேட் கன்ட்ரோல், பவர்ட் டெயில்கேட், 6 வழிகளில் அட்ஜெஸ்ட் செய்யக்கூடிய முன்புற இருக்கைகள் உள்ளன. பாதுகாப்பிற்கான 6 ஏர் பேக்குகள் நிலையாக வழங்கப்படுகின்றன. இதுபோக 360 டிகிரி கேமரா, முன் மற்றும் பின்புற பார்கிங் சென்சார்கள், டயர் பிரஷர் மானிட்டரிங் சிஸ்டம், எலெக்ட்ரானிக் பார்கிங் ப்ரேக், 4 சக்கரங்களிலும் டிஸ்க் ப்ரேக்குகள் மற்றும் லெவல் 2 ADAS ஆகிய அம்சங்களும் புதிய ரெனால்ட் டஸ்டரில் வழங்கப்பட்டுள்ளன.