Entertainment Headlines Sep 03: சந்திரமுகி 2 டிரெய்லர் ரிலீஸ்.. 'குஷி' படத்தின் வசூல் நிலவரம்... இன்றைய சினிமா செய்திகள் இதோ..!
Entertainment Headlines Sep 03: திரையுலகில் இன்று இதுவரை நடந்த நிகழ்வுகளை கீழே விவரமாக காணலாம்.
சந்திரமுகி 2 ட்ரெய்லர்:
மிகுந்த எதிர்பார்ப்புகளுக்கு இடையே சந்திரமுகி 2 டிரெய்லர் வெளியாகியுள்ளது. பி.வாசு இயக்கத்தில் ராகவா லாரன்ஸ் நடிப்பில் உருவாகி இருக்கும் சந்திரமுகி 2 படத்தின் டிரெய்லரை படக்குழு வெளியிட்டுள்ளது. ராஜாதி ராஜ.....ராஜ கம்பீர.....ராஜ மார்த்தாண்ட....ராஜ குலத்திலக வேட்டையன் ராஜா வரார்...வரார்...என வசனத்துடன் தொடங்கும் டிரெய்லரில் 17 வருடத்திற்கு பிறகு மீண்டும் ரிபீட்டு ஆகும் ரா...ரா....என மிரட்சியுடன் கூறுகிறார் வடிவேலு..மேலும் வாசிக்க..
ரிலீசுக்கு முன்பே கெத்து காட்டும் ஜவான்..
வரும் 7ம் தேதி ஜவான் ரிலீசாக உள்ள நிலையில் இந்தியா முழுவதும் 2 லட்சத்து 3 ஆயிரத்து 300 டிக்கெட்டுகள் விற்பனையாகியுள்ளன.அட்லீ இயக்கத்தில் பாலிவுட் ஸ்டார் ஷாருக்கான், நயன்தாரா நடித்திருக்கும் ஜவான் படம் வரும் 7ம் தேதி ரிலீசாக உள்ளது. தீபிகா படுகோன், விஜய்சேதுபதி என பலர் நடித்துள்ள இந்த படம் தமிழ், தெலுங்கு மற்றும் இந்தி உள்ளிட்ட மொழிகளில் ரிலீசாக உள்ளது. இதை ஒட்டி சென்னையில் நடைபெற்ற படத்தின் ப்ரீ ரிலீஸ் விழாவில் ஷாருக்கான், அட்லீ, அனிருத், விஜய்சேதுபதி, யோகிபாபு என படக்குழுவினர் பங்கேற்றனர்.மேலும் வாசிக்க..
குடும்பத்துடன் கோயிலுக்குச் சென்ற விஜய் தேவரகொண்டா..!
குஷி படத்தின் நல்ல வரவேற்பை தொடர்ந்து தெலுங்கானாவில் உள்ள பிரபல கோவிலுக்கு குடும்பத்துடன் சென்ற விஜய் தேவரகொண்டா, அங்கு சாமி தரிசனம் செய்தார்.குஷி படத்தின் மூலம் டிரெண்டிங்கில் இருக்கும் விஜய்தேவரகொண்டா, தனது காதல் குறித்து அறிவித்துள்ளார். நான்கு நாட்களுக்கு முன்பு ஒரு பெண்ணின் கையை பிடித்திருப்பது போன்ற புகைப்படத்தை வெளியிட்ட விஜய் தேவரகொண்டா, ‘என் வாழ்க்கை என் சந்தோஷம்’ என கூறியுள்ளார். மேலும், இது குறித்த அப்டேட்டை விரைவில் கொடுப்பேன் என்றும் சமூக வலைதளத்தில் குறிப்பிட்டுள்ளார்மேலும் வாசிக்க..
'குஷி' 2 நாள்கள் வசூல் இவ்வளவா?
மிகுந்த எதிர்பார்ப்புகளுக்கு இடையில் சமந்தா மற்றும் விஜய் தேவரகொண்டா நடித்துள்ள குஷி திரைப்படம் வெளியாகி ரசிகர்களிடையே சிறப்பான வரவேற்பைப் பெற்று வருகிறது. இந்நிலையில், குஷி படத்தின் இரண்டு நாள் வசூல் நிலவரத்தைப் பார்க்கலாம் .தமிழ், தெலுங்கு, கன்னடம், மலையாளம் ஆகிய மொழிகளில் வெளியான குஷி திரைப்படம் முதல் நாள் உலக அளவில் ரூ.30.1 கோடி வசூல் செய்ததாக படத்தின் தயாரிப்பு நிறுவனமான மைத்ரி மூவி மேக்கர்ஸ் தகவல் வெளியிட்டது. இந்திய அளவில் முதல் நாளில் மட்டும் ரூ 15.25 கோடிகளை குஷி வசூல் செய்துள்ளது.மேலும் வாசிக்க..
சூப்பர் ஸ்டார் சம்பளம் ரூபாய் 200 கோடி..
தமிழ் சினிமாவின் சூப்பர் ஸ்டார் என்றால் அது நான்தான் என்பதை மீண்டும் ஒரு முறை நிரூபித்துக் காட்டியுள்ளார் ரஜினிகாந்த். தமிழ் சினிமாவில் முன்னணி நடிகர்கள் என்றால் அது ரஜினி, கமல், விஜய், அஜித் ஆகியோர்தான். இவர்களில் முதலில் ரூ.100 கோடி சம்பளம் பெற்றவர் சூப்பர் ஸ்டார் ரஜினிகாந்த்தான். இவருக்குப் பின்னர்தான் கமல், விஜய் மற்றும் அஜித் ஆகியோர் 100 கோடி ரூபாய் சம்பளம் பெற்றனர். மேலும் வாசிக்க..
விஜய்க்கு இரண்டாம் முறையாக நோ சொன்ன ஜோதிகா..
லியோ படத்துக்குப் பிறகு இயக்குநர் வெங்கட் பிரபுவுடன் தளபதி 68 படத்தில் இணையவிருக்கிறார் நடிகர் விஜய். விஜய்யும் வெங்கட் பிரபுவும் முதன்முதலாக ஒன்றிணையும் நிலையில் இப்படத்தின் மீது எதிர்பார்ப்புகள் எகிறியுள்ளன. இதில் இன்னொரு சிறப்பு என்னவென்றால், சுமார் 20 ஆண்டுகளுக்குப் பிறகு இசையமைப்பாளர் யுவன் ஷங்கர் ராஜா இணைகிறார்.தற்போது தளபதி 68 படத்தில் நடிக்க கிட்டத்தட்ட உறுதி செய்யப்பட்ட நிலையில், ஜோதிகா நோ சொன்னதாக வெளியாகியுள்ள தகவல் கோலிவுட் வட்டாரத்தில் பேசுபொருளாகியுள்ளது.மேலும் வாசிக்க..
ஜெயம் ரவியின் ‘இறைவன்’ ட்ரெய்லர் வெளியீடு!
நடிகர் ஜெயம் ரவி நடிப்பில் நீண்ட நாட்களாக கிடப்பில் உள்ள ‘இறைவன்’ படத்தின் ட்ரெய்லர் வெளியாகியுள்ளது. தமிழ், மலையாளம், கன்னடம் மற்றும் தெலுங்கு மொழிகளில் உருவாகியுள்ள இறைவன் படத்தின் ரிலீஸ் தேதி முதலில் ஆகஸ்ட் 25 ஆம் தேதி ரிலீசாகும் என அறிவிக்கப்பட்டு பின்னர் தள்ளிவைக்கப்பட்டதால் ஜெயம் ரவி ரசிகர்கள் சோகமடைந்தனர். இதனைத் தொடர்ந்து செப்டம்பர் 28 ஆம் தேதி இறைவன் படம் வெளியாகும் என தெரிவிக்கப்பட்டுள்ளது. இந்நிலையில் படத்தின் ட்ரெய்லர் வெளியாகி ரசிகர்களிடையே பெரும் வரவேற்பை பெற்றுள்ளது. மேலும் வாசிக்க..
சிறந்த ஆசிய நடிகருக்கான பரிந்துரையில் டொவினோ தாமஸ்!
சர்வதேச திரைப்பட விருது நிகழ்ச்சியான செப்டிமியஸ் விருதுக்கு பரிந்துரைக்கப்பட்டுள்ளார் மலையாள நடிகர் டொவினோ தாமஸ். ஆஸ்கர் விருதைப் போல் முக்கியமான மற்றொரு விருது என்றால் செப்டிமியஸ் திரைப்பட விருதுகள். ஆண்டுதோறும் நெதர்லாந்தில் நடைபெறும் இந்த விருது நிகழ்ச்சியில் சர்வதேச திரைப்படங்களுக்கு விருதுகள் வழங்கப்பட்டு வருகின்றன. தற்போது சிறந்த ஆசிய நடிகருக்கானப் பிரிவில் பரிந்துரைக்கப்பட்டுள்ளார் நடிகர் டொவினோ தாமஸ். இந்த விருதிற்கு தேர்வாகும் முதல் தென்னிந்திய நடிகர் டொவினோ தாமஸ் என்பது குறிப்பிடத்தக்கது.மேலும் வாசிக்க..
டி.ஆர்., சொன்ன பதிலை கேட்டு வியந்த ரசிகர்கள்..!
பிடிவாதக்காரனாக இருந்த என்னை வயது பக்குவப்படுத்தி விட்டதாக திரைப்பட நிகழ்ச்சியில் பன்முக கலைஞர் டி.ராஜேந்தர் தெரிவித்துள்ளார். அந்த வகையில் தற்போது “நான் கடைசி வரை தமிழன்” என்ற படம் உருவாகவுள்ளது. சுமார் 163 மொழிகளில் உருவாகும் இந்த படத்திற்கு கதை,திரைக்கதை,வசனம் ,தயாரிப்பு, இயக்கம் என அனைத்தையும் எம்.ஏ.ராஜேந்திரன் மேற்கொள்கிறார். நீண்ட நாட்களுக்குப் பிறகு பன்முக கலைஞரான டி.ராஜேந்தர் பாடல்கள் எழுதி இசையமைக்கிறார். மேலும் வாசிக்க..
தலைப்பு செய்திகள்
ட்ரெண்டிங் செய்திகள்
