பைக் விபத்தால் கோமா நிலை: நடிகர் சாய் தரம் தேஜின் தற்போதைய நிலை - வைரலாகும் புகைப்படம்..!

இந்த புகைப்படத்தை கண்ட ரசிகர்கள், சாய் தரம் தேஜ் பூரண குணமடைந்ததை கண்டு மகிழ்ச்சி அடைந்து, அத்துடன் புகைப்படத்தையும் ஷேர் செய்து வருகின்றனர்.

குடும்பத்துடன் சாய் தரம் தேஜ்

சாலை விபத்தில் சிக்கி கோமா ஸ்டேஜில் இருந்த தெலுங்கு நடிகர் சாய் தரம் தாஜ், தற்போது உள்ள நிலை குறித்து புகைப்படம் ஒன்று வெளியாகி வைரலாகி வருகிறது.

பிரபல தெலுங்கு நடிகர் சாய் தரம் தேஜ் கடந்த செப்டம்பர் மாதம் பைக் விபத்தில் சிக்கினார். கடந்த செப்டம்பர் 10ஆம் தேதி இரவு துர்கம்செருவு கேபிள் பாலத்திற்கு அருகில் சாய் தரம் தேஜ் விலையுயர்ந்த வெளிநாட்டு பைக்கை ஓட்டிக் கொண்டிருந்தபோது திடீரென வாகனம் வழுக்கிவிட்டது. இதில் கீழே விழுந்த சாய் தரம் தேஜ் கைகள், இடுப்பு, முகம் என ஆங்காங்கே சிராய்ப்புகள் ஏற்பட்டன. விபத்தில் சிக்கிய அவர் உடனடியாக மீட்கப்பட்டு அருகிலிருந்து மருத்துவமனையில் முதலுதவிக்காக அனுமதிக்கப்பட்டார். பின்னர் அங்கிருந்து அவர் அப்பல்லோ மருத்துவமனைக்கு கொண்டு செல்லப்பட்டார். அங்கு அனுமதிக்கப்பட்ட அவருக்கு உயிருக்கு எந்த ஆபத்தும் இல்லை என்றாலும், சுய நினைவின்றி அவர் சிகிச்சை பெற்று வந்தார். தற்போது அவர் பூரண குணமடைந்து தனது குடும்பத்தாருடன் தீபாவளி கொண்டாடியுள்ளார். இதுதொடர்பான புகைப்படத்தை மெகா ஸ்டார் சிரஞ்சீவி தனது டுவிட்டர் பக்கத்தில் பகிர்ந்துள்ளார். அந்தப் புகைப்படத்தில், நடிகர்கள் சிரஞ்சீவி, பவன் கல்யாண், அல்லு அர்ஜூன், ராம் சரண்,  வருண் தேஜ் உள்ளிட்டோர் இருக்கின்றனர். இதற்கு ரிட்வீட் செய்து சாய் தரம் தேஜ் நன்றியும் கூறியுள்ளார். இந்த புகைப்படத்தை கண்ட ரசிகர்கள், சாய் தரம் தேஜ் பூரண குணமடைந்ததை கண்டு மகிழ்ச்சி அடைந்து, அத்துடன் புகைப்படத்தையும் ஷேர் செய்து வருகின்றனர். இந்தப் புகைப்படம் சமூகவலைதளங்களில் வைரலாகி வருகிறது. 

 

నా పునర్జన్మకి కారణమైన మీ ప్రేమకి మీ ప్రార్ధనలకి ఏమిచ్చి ఋణం తీర్చుకోగలను. మీ ప్రేమ పొందడం నా పూర్వజన్మ సుకృతం.🙏🏼 https://t.co/2de1Ob2JgC

— Sai Dharam Tej (@IamSaiDharamTej) November 5, 2021

சாய் தரம் தேஜ் நடிகர் சிரஞ்சீவியின் சகோதரி விஜய துர்கா மற்றும் அவரது கணவர் மருத்துவர் சிவ பிரசாத் ஆகியோரின் மகன் ஆவார். பிரபல டோலிவுட் நடிகர்களான நாகேந்திர பாபு மற்றும் பவன் கல்யாண் ஆகியோரின் மருமகனும் ஆவார். இவரது தாய்வழி உறவினர்களான ராம் சரண், வருண் தேஜ், நிஹாரிகா கொனிதேலா ஆகியோரும் டோலிவுட்டில் நடிகர்கள் மற்றும் நடிகைகளாக இருக்கிறார்கள். சாய் தரம் தேஜ் பில்லா நவ்வு லேணி ஜீவிதம் திரைப்படத்தின் மூலம் அறிமுகமானார் என்பது குறிப்பிடத்தக்கது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண