Vijay Birthday: விஜய் பிறந்தநாளுக்கு வாழ்த்து தெரிவிக்காத “முக்கிய பிரபலம்”... கடுப்பாகும் ரசிகர்கள்
இன்று விஜய் பிறந்தநாள் என்பதால் ரசிகர்கள், திரையுலக பிரபலங்கள் என பலரும் சமூக வலைத்தளங்களில் வாழ்த்து தெரிவித்தனர்.
நடிகர் விஜய்யின் பிறந்தநாளுக்கு நடிகை ராஷ்மிகா மந்தனா வாழ்த்து தெரிவிக்காதது ரசிகர்களிடையே அதிருப்தியை ஏற்படுத்தியுள்ளது.
தமிழ் சினிமாவின் தளபதியாக ரசிகர்களால் கொண்டாடப்படும் நடிகர் விஜய் நடிப்பில் கடைசியாக பீஸ்ட் படம் கடந்த ஏப்ரல் மாதம் வெளியானது. நெல்சன் இயக்கத்தில் வெளியான இப்படம் ரசிகர்களிடையே எதிர்பார்த்த வரவேற்பை பெறவில்லை. இதனால் அவரது ரசிகர்கள் அதிருப்தியடைந்தனர். இதனையடுத்து விஜய்யின் 66வது படம் குறித்த அறிவிப்பு வெளியானது.
தில் ராஜு தயாரிப்பில் தெலுங்கு இயக்குநர் வம்சி பைடிபலி இயக்கத்தில் தமன் இசையமைப்பில் இப்படம் உருவாக உள்ளதாக தெரிவிக்கப்பட்டது. இந்த படத்தில் நாயகியாக ராஷ்மிகா மந்தனாவும், மற்ற கேரக்டர்களில் சரத்குமார், பிரகாஷ்ராஜ், பிரபு, யோகி பாபு, ஷ்யாம், சம்யுக்தா, சங்கீதா, ஜெயசுதா உள்ளிட்ட பல நட்சத்திரங்கள் நடிக்கவுள்ளதாக அறிவிக்கப்பட்டது ரசிகர்களிடையே மிகப்பெரிய எதிர்பார்ப்பை ஏற்படுத்தியது.
இதனிடையே கடந்த ஜூன் 19 ஆம் தேதி தளபதி 66 படத்தின் first look போஸ்டர் ஜூன் 21 ஆம் தேதி மாலை 6.01க்கு ரிலீஸ் செய்யப்படும் என்ற தகவலை, தளபதி 66 படத்தின் தயாரிப்பு நிறுவனமான ஸ்ரீ வெங்கடேஷ்வரா கிரியேஷன்ஸ் தனது டிவிட்டர் பக்கத்தில் தெரிவித்திருந்தது. ஜூன் 22 ஆம் தேதி விஜய் பிறந்தநாள் என்பதால் இந்த ஏற்பாடு செய்யப்பட்டிருந்தது. அதன்படி நேற்று மாலை வாரிசு என்ற பட டைட்டிலுடன் ஸ்டைலிஷ் லுக்கில் விஜய் இருக்கும் ஃபர்ஸ்ட் லுக் போஸ்டர் வெளியானது.
So excited for the first look! 🌸♥️#Varisu#VarisuFirstLook#HBDDearThalapathyVijay@actorvijay Sir @directorvamshi @MusicThaman @Cinemainmygenes @KarthikPalanidp pic.twitter.com/4bHdPwu5oM
— Rashmika Mandanna (@iamRashmika) June 21, 2022
இன்று விஜய் பிறந்தநாள் என்பதால் ரசிகர்கள், திரையுலக பிரபலங்கள் என பலரும் சமூக வலைத்தளங்களில் வாழ்த்து தெரிவித்தனர். மேலும் வாரிசு படத்தின் 2nd look, 3rd look போஸ்டர் வெளியாகி ரசிகர்களை மகிழ்ச்சிக்குள்ளாக்கியது. ஆனால் வாரிசு படத்தின் நாயகியான நடிகை ராஷ்மிகா மந்தனா மட்டும் விஜய் பிறந்தநாளுக்கு அவருக்கு வாழ்த்து தெரிவிக்கவில்லை. அதேபோல் வாரிசு படத்தின் ஃபர்ஸ்ட் லுக் போஸ்டரை மட்டுமே அவர் தனது ட்விட்டர் பக்கத்தில் பகிர்ந்திருந்தார். இதனை கண்ட ரசிகர்கள் விஜய் கூட நடித்தும் அவருக்கு வாழ்த்து சொல்ல முடியவில்லையா என கேள்வி எழுப்பி வருகின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
