Vadivelu : சுய மரியாதை தான் முக்கியம்..வடிவேலுவுடன் நடிக்க 16 பட வாய்ப்புகளை நிராகரித்த சோனா
குசேலன் படத்திற்கு பின் 16 முறை வடிவேலுவுடன் நடிக்க வாய்ப்பு வந்ததாகவும் ஆனால் தான் அதை மறுத்துவிட்டதாகவும் நடிகை சோனா கூறியுள்ள பழைய வீடியோ தற்போது மீண்டும் இணையத்தில் வைரலாகி வருகிறது
ஏற்கனவே வடிவேலுவை விமர்சித்து நடிகை சோனா பேசியுள்ள நிலையில் தற்போது மற்றொரு பேட்டியில் வடிவேலு குறித்து அவர் கடுமையாக பேசியுள்ளார். குசேலன் படத்தின் வெற்றிக்குப் பின் அடுத்தடுத்து வடிவேலுவுடன் நடிக்க 16 பட வாய்ப்புகள் தனக்கு வந்ததாகவும் ஆனால் தனது சுய மரியாதையே முக்கியம் என அந்த படங்களில் நடிக்க அவர் மறுத்துவிட்டதாகவும் சோனா தெரிவித்துள்ளார்.
தமிழ் திரையுலகில் உச்சத்தில் இருந்த நகைச்சுவை நடிகர் வடிவேலு. அரசியல் ஈடுபாட்டால் சில வருடங்கள் அவர் நடிப்பதற்கு தடை விதிக்கப்பட்டு மீண்டும் நடிப்பிற்கு திரும்பியுள்ளார். தற்போது காமெடி கதாபாத்திரங்களைவிட சீரியஸாகவே அதிகம் நடித்து வருகிறார். நகைச்சுவை நடிகராக வடிவேலுவை மக்கள் கொண்டாடினாலும் அவருடைய சக நடிகரக்ள் வடிவேலுவைப் பற்றி எப்போதும் எதிர்மறையான கருத்துக்களையே பகிர்ந்துள்ளார்கள். அந்த சக நடிகர்களில் நடிகை சோனாவும் ஒருவர் .
கடந்த ஆண்டு யூடியூப் சேனல் ஒன்றில் பேட்டியளித்த சோனா வடிவேலு கறித்து தனது விமர்சனத்தை கடுமையாக வெளிப்படுத்தினார். இந்த வீடியோ தற்போது மறுபடியும் இணையத்தில் வைரலாகி வருகிறது.
16 பட வாய்ப்புகளை மறுத்தேன்
வடிவேலு குறித்து பேசுகையில் " வடிவேலு பற்றி பேசும் அளவுக்கு அவர் அவ்வளவு வொர்த் கிடையாது. நான் அவர் கூட எந்த படத்திலும் இனிமேல் நடிக்க விரும்பவில்லை. வடிவேல் சார் பத்தி வேற யார்கிட்டயாவது என்ன நினைக்கிறீங்க என்று கேட்டுப்பாருங்க. கழுவி கழுவி ஊத்துவாங்க. அதையே நானும் பண்ண வேண்டாம்னு நினைக்கிறேன். குசேலன் படத்திற்கு பிறகு எனக்கு வடிவேல் சார் கூட 16 படங்களில் நடிக்க வாய்ப்பு வந்தது. ஆனால் நான் எதற்கும் வேண்டாம் என்று சொல்லிவிட்டேன். எனக்கு கோடி ரூபாய் கொடுத்தாலும் வடிவேலுவுடன் நடிக்கும் வாய்ப்பு வேண்டாம். பிச்சை கூட எடுப்பேன். அவர் படத்தில் நடிக்க மாட்டேன் என்று சொல்லிவிட்டேன்” எனத் தெரிவித்தார். எனக்கு சுய மரியாதை இருக்கிறது . சில விஷயங்களை வெளியே சொல்ல முடியாது " என்று சோனா அந்த வீடியோவில் பேசியிருந்தார். கடந்த ஆண்டு சோனாவின் பேச்சு பெரியளவில் சர்ச்சை ஏற்படுத்திய நிலையில் தற்போது மீண்டும் இணையத்தில் பரவலாக ஷேட் செய்யப்பட்டு வருகிறது.
தலைப்பு செய்திகள்
ட்ரெண்டிங் செய்திகள்
