Kalidas Jayaram: “கைகூடிய காதல்”.. வெகு விமரிசையாக நடைபெற்ற காளிதாஸ் ஜெயராம் நிச்சயதார்த்தம்..!

பிரபல நடிகர் ஜெயராமின் மகனான காளிதாஸ் ஜெயராம், மாடல் அழகியான தாரிணி காளிங்கராயரை காதலித்து வந்த நிலையில் இருவருக்கும் நிச்சயதார்த்தம் நடைபெற்றுள்ளது.

காளிதாஸ் ஜெயராம் திருமணம்

பிரபல நடிகர் ஜெயராமின் மகனான காளிதாஸ் ஜெயராம், மாடல் அழகியான தாரிணி காளிங்கராயரை காதலித்து வந்த நிலையில் இருவருக்கும் நிச்சயதார்த்தம் நடைபெற்றுள்ளது.

 

பிரபல நடிகர் ஜெயராமின் மகனான காளிதாஸ் ஜெயராம், மாடல் அழகியான தாரிணி காளிங்கராயரை காதலித்து வந்த நிலையில் இருவருக்கும் நிச்சயதார்த்தம் நடந்த புகைப்படங்கள் இணையத்தில் வைரலானது. இதனைத் தொடர்ந்து சினிமா பிரபலங்களும், ரசிகர்களும் வாழ்த்து கூறி வருகின்றனர். 

 

காளிதாஸ் ஜெயராம் தனது 7 வயதில் மலையாளத்தில் வெளிவந்த ‘கொச்சு கொச்சு’ படத்தில் குழந்தை நட்சத்திரமாக அறிமுகமானார். முதல் படத்திலேயே சிறந்த குழந்தை நட்சத்திரத்துக்கான தேசிய விருதை காளிதாஸ் ஜெயராம் பெற்றார். தொடர்ந்து, 2016ம் ஆண்டு வெளிவந்த மீன் குழம்பும் மண் பானையும் படத்தின் மூலம் தமிழ் திரையுலகில் அறிமுகமானார். மீண்டும் பூமரம் படத்தின் மூலம் மலையாள படத்தில் நடித்தார். நவரசா என்ற வெப் தொடரில் திருநங்கையாக நடித்த காளிதாஸ் புகழை பெற்றார். 

 

இது மட்டுமில்லாமல், ஓடிடி தளத்தில் சுதா கொங்கரா இயக்கத்தில் வெளிவந்த பாவக்கதைகள் என்ற ஆந்தாலஜியில் தங்கம் என்ற திருநங்கை கேரக்டரில் நடித்து இருப்பார். அதில் காளிதாஸின் நடிப்பு பாராட்டப்பட்டது. தொடர்ந்து பா. ரஞ்சித் இயக்கத்தில் வெளிவந்த நட்சத்திரம் நகர்கிறது என்ற படத்தில் நடித்துள்ளார். நடிப்பு மட்டும் இல்லாமல் மிமிக்ரியிலும் காளிதாஸ் ஜெயராம் அசத்துபவர். 

 

காளிதாஸ் ஜெயராம் போல் அவருடைய காதலி தாரிணி பிரபல பிரிட்டன் மாடல். 2019ம் ஆண்டு மிஸ் தமிழ்நாடு பட்டம் வென்ற தாரிணி 2021ம் ஆண்டின் மிஸ் யுனிவர்ஸ் இந்தியா போட்டியில் பங்கேற்றார். மாடலாக மட்டும் இல்லாமல் விளம்பரங்களில் நடித்தும் பிரபலமானவர் தாரிணி. இவர் தீபிகா படுகோனுடன் இணைந்து விளம்பரங்களிலும் நடித்துள்ளார். இந்த நிலையில் தாரிணியும், காளிதாஸ் ஜெயராமும் காதலித்து வந்த நிலையில் பெற்றோர்கள் சம்மதத்துடன் இருவருக்கும் நிச்சயதார்த்தம் நடைபெற்றுள்ளது.

 சமீபத்தில் மாடலிங் போட்டி ஒன்றில் முதல் பரிசை தாரிணி வென்றதைத் தொடர்ந்து அவருடன் மேடையில் காளிதாஸ் ஜெயராம் கலந்துகொண்டார். அப்போது  தாரிணி குறித்து பேசும்படி நிகழ்ச்சித் தொகுப்பாளர் கேட்டுக் கொண்டபோது “ தாரிணி தான் நான் திருமணம் செய்துகொள்ளப் போகும் பெண்” என்று காளிதாஸ் கூறினார்.

தொடர்ந்து வாரணம் ஆயிரம் சூர்யா ஸ்டைலில் அவருக்கு ப்ரபோஸ் செய்துள்ளார். இந்த நிகழ்வு காண்போரைக் கவர்ந்து வருகிறது. இந்நிலையில், விரைவில் காளிதாஸ் ஜெயராம் தன்னுடைய திருமண செய்தியை பகிர்ந்துகொள்வார் என்று ரசிகர்கள் எதிர்பார்த்து காத்திருக்கிறார்கள்.

 

 

 

 

 

View this post on Instagram

 

 

 

 

 

 

 

 

 

 

 

A post shared by She Awards (@she_awards)

மேலும் படிக்க: Japan Movie Review: கார்த்திக்கு கை கொடுத்ததா தீபாவளி ரேஸ்? ’ஜப்பான்’ போலாமா வேணாமா? முழு விமர்சனம் இதோ!