HBD Nithya Menon : கண்மணிக்கு பிறந்தநாள்.. நித்யா மேனன் பத்தி இந்த விஷயங்கள் தெரியுமா?

மெர்சல் நாயகி நித்யா மேனன் பிறந்தநாளான இன்று அவரை பற்றி தெரியாத 10 விஷயங்களை தெரிந்து கொள்ளுங்கள்!

நித்யா மேனன்

முட்டை முட்டை கண்களை உருட்டி உருட்டி ரசிகர்கள் அனைவரையும் ஈர்க்கும் காந்த கண்ணழகி நடிகை நித்யா மேனன் இன்று தனது 35 பிறந்தநாளை கொண்டாடுகிறார். தமிழ், மலையாளம், தெலுங்கு, கன்னடம் என அனைத்து மொழி படங்களிலும் நடித்து பிரபலமானவர். 50க்கும் மேற்பட்ட படங்களில் நடித்து ஏராளமான ரசிகர்களை கவர்ந்த வண்ணக்கிளி நித்யா மேனன் பற்றி பலரும் அறியாத 10 விஷயங்கள் பற்றி அவரின் பிறந்தநாளான இன்று தெரிந்து கொள்ளலாம் :

1 . தனது 8 வயதிலேயே குழந்தை நட்சத்திரமாக திரையில் தோன்றியவர். "தி குரங்கு ஹூ டூ மச்" என்ற ஆங்கில திரைப்படத்தில் நடிகை தபுவின் தங்கையாக நடித்தவர். சினிமாவில் அவர் நடித்த முதல் படம் இது தான். 

2 . அவருக்கு ஒருபோதும் நடிகையாக வேண்டும் என்ற ஆர்வம் இருந்ததில்லையாம். நித்யா மேனன் ஒரு ஜர்னலிஸ்ட்டாக வேண்டும் என்றே விரும்பியுள்ளார். அதற்காக மணிப்பால் இன்ஸ்டிடியூட் ஆப் கம்யூனிகேஷன் கல்லூரியில் ஜர்னலிசம் பிரிவில் டிகிரி பெற்றுள்ளார். 

3 . பின்னர் பத்திரிகையாளராக வேண்டும் என்ற எண்ணத்தை கைவிட்டு பிலிம் மேக்கராக வேண்டும் என விரும்பியுள்ளார். அதற்காக புனேவில் உள்ள FTII இல் சினிமாடோகிராபி பயின்றுள்ளார்.  

4 . நித்யா மேனன் என்றுமே ஒரு ஸ்ட்ராங் பர்சனாலிட்டி கொண்ட ஒரு பெண்ணாக தான் தன்னை முன்னிலைப்படுத்தியுள்ளார். அவர் இதுவரையில் தேர்வு செய்து நடித்த படங்கள் அனைத்துமே மிகவும் புத்திசாலித்தனமாக இருந்துள்ளது. நடிப்பை கலையாக கருதும் நித்யா மேனன் நடித்த கதாபாத்திரங்கள் அனைத்திலுமே இயல்பாக நடித்துள்ளார். 

5 . நித்யா மேனன் நடிப்பில் மட்டுமின்றி பாடுவதிலும் மிகுந்த ஆர்வம் கொண்டவர். மென்மையான குரல் கொண்ட இசைப் பிரியை. பாட வாய்ப்பு கிடைத்தால் அதை ஒருபோதும் தவற விட்டதில்லை.    

6 . இன்றைய தலைமுறையினர்களில் இருந்து சற்றே வேறுபட்டவர். சோசியல் மீடியாவில் அதிக ஆர்வம் காட்டாதவர். இருப்பினும் 2 மில்லயன் ஃபாலோவர்களை கொண்டுள்ளார். இயற்கையை மிகவும் நேசிக்க கூடியவர். அமைதியான இடங்களில் நேரத்தை செலவிட ஆசைப்படுபவர். நேச்சர் லவ்வர் நித்யா மேனன்.

7 . குணச்சித்திர கதாபாத்திரங்களில் நடிக்க அதிகம் விரும்புபவர்.

8 . தோற்றத்தில் கவர்ச்சியாக இருந்தாலும் இது வரையில் அவர் நடித்த 50க்கும் மேற்பட்ட படங்களில் எந்த கதாபாத்திரத்திலும் கவர்ச்சியாக நடிக்காதவர்.

9 . நித்யா மேனன் தமிழ், மலையாளம் மட்டுமின்றி பல மொழிகளில்  சரளமாக பேசக்கூடியவர். பல தென்னிந்திய நடிகைகளுக்கு டப்பிங் கூட பேசியுள்ளார் என்பது குறிப்பிடத்தக்கது. 

10 . பாலிவுட் பிரபலமான நடிகரான அபிஷேக் பச்சன் உடன் இணைந்து அவரின் மனைவியாக ஒரு படத்தில் நடித்துள்ளார் நித்யா மேனன். இதை பலரும் கவனித்து இருப்பார்கள். 

ஹேப்பி பர்த்டே நித்யா மேனன்!!!