Crime: போலி தங்கமுலாம் பூசப்பட்ட நகை அடகு வைப்பு; உரிமையாளர் உஷாரானதால் சிக்கிய கும்பல்

போடிப் பகுதிகளில் பல்வேறு அடகு கடையிலும் போலி நகைகளை அடகு வைத்ததாக ஒப்புக்கொண்டனர். இச்சம்பவம் குறித்து போலீஸ் விசாரணை மேற்கொண்டு வருகிறது.

கைதானவர்கள்

Source : ABPLIVE AI

போடியில் போலி தங்கமுலாம் பூசப்பட்ட 15 பவுன் நகையை அடகு வைக்க வந்த நகை, போலியென தெரிந்ததும் அடகு கடை உரிமையாளர் காவல் துறையினருக்கு தகவல் தெரிவிக்கப்பட்ட நிலையில்  5 பேரை போலீசார் கைது செய்தனர். மேலும் தப்பி ஓடிய 3 பேரை தேடி வருகின்றனர்,

தேனி மாவட்டம் போடிநாயக்கனூர் பரமசிவன் கோவில் தெருவில் சேகர் என்பவர் அடகு கடை மற்றும் நகை கடை நடத்தி வருகிறார். சம்பவத்தன்று மதியம் ஒரு மணி அளவில் 15 பவுன் எடையுள்ள தங்கமுலாம் பூசப்பட்ட போலி நகைகளை திண்டுக்கல்லை சேர்ந்த சதீஸ்வரன் தேனி பாலாபட்டியைச் சேர்ந்த கவின் தேவ்  மற்றும் தினேஷ் தேனி உப்பு கோட்டையைச் சேர்ந்த சிவானந்தம் கம்பம் கூடலூரை சேர்ந்த சிலம்பரசன் ஆகியோர் காரில் வந்து நகைக்கடை முன்பு காரை நிறுத்தி விட்டு அடகு கடையில் 15 பவுன் நகை எடையுள்ள போலி நகைகளை அடகு வைக்க சென்றனர். அப்போது கடையில் இருந்த கடை உரிமையாளர் சேகர் நகையை சோதனை செய்தபோது இது போலி நகை என தெரியவந்தன.

Pinarayi Vijayan: கேரளாவில் என்ன நடவடிக்கை? உயிரிழப்பு எவ்வளவு - முதல்வர் பினராயி விஜயன் பேட்டி

உடனடியாக சுதாரித்துக் கொண்ட கடை உரிமையாளர் செல்போன் மூலம் நகர் காவல் நிலையத்துக்கு தகவல் தெரிவித்தனர். தகவலை அறிந்த காவல்துறையினர் குற்றவாளியை பிடிக்க முயன்ற போது காரில் தப்ப முயன்றனர். அப்போது காரினை மடக்கிப்பிடித்தனர். காரில் இருந்த ஒருவர் காரை விட்டு இறங்கி அருகில் இருந்த சந்தில்  ஓட முயன்ற போது, காவலர் விரட்டிச் சென்று குற்றவாளியை பிடித்தனர். 5 பேரையும் காவல் நிலையத்திற்கு அழைத்துச் சென்று விசாரணை செய்து செய்தனர் .

Thug Life update: ஆண்டவர் ரசிகர்களே! தக் லைஃப் படத்தில் இணைந்த இரண்டு பிரபலங்கள் - செம அப்டேட்

விசாரணைக்காக எந்தெந்த கடையில் போடி பகுதியில் நகைகளை அடகு வைத்துள்ளனர் என பாலார்பட்டியை சேர்ந்தவரை அழைத்துச் சென்றபோது அம்மா உணவகம் முன்பாக காரின் கதவை திறந்து கொண்டு குற்றவாளி காரில் இருந்து தப்பி ஓடி ஓடினார். அவரை இரண்டு காவலர்கள் விரட்டி சென்று பிடித்து மீண்டும் காவல் நிலையத்திற்கு அழைத்து வந்தனர்.

இச்சம்பவம் தொடர்பாக சிக்கியவர்களிடம் தொடர்ந்து விசாரணை செய்ததில் போடிப் பகுதிகளில் பல்வேறு அடகு கடையிலும் போலி நகைகளை அடகு வைத்ததாக ஒப்புக்கொண்டனர். இச்சம்பவம் குறித்து காவல்துறையினர் வழக்கு பதிவு செய்து 5 பேரை கைது செய்து அவர்கள் பயன்படுத்திய காரையும் பறிமுதல் செய்தனர். மேலும் இதற்கு உடந்தையாக இருந்த தப்பி ஓடிய மூன்று பேரை போலீசார் தேடி வருகின்றனர். மேலும் இவர்களிடமிருந்து இரு சக்கர வாகனங்களும் பறிமுதல் செய்யப்பட்டது.  இச்சம்பவம் குறித்து போடி பகுதிகளில் நகைக்கடை பஜாரில் கடந்த இரு தினங்களாக பெரும் பரபரப்பு காணப்பட்டது இதுவரை வாங்கப்பட்ட அடகு கடைகளில் நகைகள் போலியா என ஆய்வு செய்து வருகின்றனர்.