முகமது ஷமிக்கு பல பெண்களுடன் தொடர்பு.. சொந்த மகளை விட காதலிதான் முக்கியம்.. முன்னாள் மனைவி புகார்
இந்திய கிரிக்கெட் வீரர் முகமது ஷமிக்கு பல பெண்களுடன் தொடர்பு இருப்பதாக முன்னாள் மனைவி பரபரப்பு குற்றச்சாட்டு வைத்தார்.
இந்திய கிரிக்கெட் அணியில் வேகப்பந்து வீச்சாளர் பும்ராவை பாேன்று சிறந்து விளங்கக் கூடியவர் ஷமி. ஆட்டம் எதிரணிக்கு சாதகமாக இருக்கும் சூழலில் இந்திய அணியின் வெற்றிக்கு வித்திட்டுள்ளார். தனது வேகத்தால் எதிரணிகளை பந்தாடியவருக்கு, முன்னாள் மனைவியால் இப்படி ஒரு சோதனை ஏற்படும் என்று யாரும் கனவில் கூட நினைத்திருக்க மாட்டார்கள். முகமது ஷமி கடந்த 2014ஆம் ஆண்டு ஹசின் ஜஹான் என்பவரை திருமணம் செய்துகொண்டார்.
கிரிக்கெட் உலகில் ஜாம்பவனாக உயரும் நேரத்தில் முகமது ஷமி பற்றி ஹசின் ஜஹான் அளித்த புகார் பெரும் பரபரப்பை ஏற்படுத்தியது. முகமது ஷமியின் தனிப்பட்ட வாழ்விலும் புயல் அடிக்க தொடங்கியது. இந்த சூழலில் கடந்த 2018ஆம் ஆண்டு கருத்து வேறுபாடு காரணமாக விவாகரத்து கோரி பிரிந்தனர். அப்போது முகமது ஷமி தனது மனைவிக்கு 50,000 மகளுக்கு 80 ஆயிரம் ஜீவனாம்சம் வழங்க வேண்டும் என அலிபூர் நீதிமன்றம் உத்தரவிட்டது. இதனை ஏற்க மறுத்த ஹசின் ஜஹான் ரூ.10 லட்சம் ஜீவனாம்சம் வேண்டும் என கொல்கத்தா உயர்நீதிமன்றத்தில் மேல்முறையீடு செய்தார்.
இதனைத்தொடர்ந்து முகமது ஷமி தனது மனைவிக்கு ரூ1.50 லட்சமும், மகளுக்கு ரூ.2.50 லட்சமும் ஜீவனாம்சம் வழங்க வேண்டும் என கொல்கத்தா உயர்நீதிமன்றம் உத்தரவிட்டது. நீதிமன்ற உத்தரவின் படி முகமது ஷமி தனது மனைவிக்கு ரூ.4 லட்சம் ஜீவனாம்சத்தை மாதம் மாதம் வழங்கி வருகிறார். இந்நிலையில், அவரது முன்னாள் மனைவி ஹசின் ஜஹான் முகமது ஷமிக்கு எதிராக பரபரப்பான குற்றச்சாட்டை வைத்திருக்கிறார். எனது மகள் ஆர்யாவின் நலனுக்கு முன்னுரிமை அளிக்காமல், அவரது காதலியின் மகள் மற்றும் குடும்பத்தினருக்கு மட்டும் கவனம் செலுத்தி வருகிறார்.
ஆர்யாவுக்கு ஒரு பெரிய பள்ளியில் படிப்பதற்கான வாய்ப்பு கிடைத்தது. ஒரு சிலர் அதனை தடுக்க முயற்சித்தார்கள். இருந்தும் அவர் சொந்த மகளை காட்டிலும் காதலியின் குடும்பம் தான் பெரிது என நினைக்கிறார். அவர்களுக்கு மட்டுமே பணத்தை செலவிட்டு வருகிறார். எனது மகளின் தந்தை ஒரு கோடீஸ்வரராக இருந்தும் கஷ்டப்படுகிறாள். முகமது ஷமிக்கு பல பெண்களுடன் தொடர்பு இருக்கிறது எனக் கூறியிருப்பது பரபரப்பை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
